EAO အဖွဲ့များ ဇူလိုင် ၃၁ ရက်အတွင်း ကြိုတင်ကန့် သတ်ချက်များမထားသည့်ဆွေးနွေးပွဲများကျင်းပမည်ဖြစ်၍ ငြိမ်းချမ်းရေးလာရောက်ဆွေးနွေးရန် အမျိုးသားစည်းလုံးညီညွတ်ရေးနှင့် ငြိမ်းချမ်းရေးဖော်ဆောင်မှု ဗဟိုကော်မတီဖိတ်ခေါ်

EAO အဖွဲ့များ ဇူလိုင် ၃၁ ရက်အတွင်း ကြိုတင်ကန့် သတ်ချက်များမထားသည့်ဆွေးနွေးပွဲများကျင်းပမည်ဖြစ်၍ ငြိမ်းချမ်းရေးလာရောက်ဆွေးနွေးရန် အမျိုးသားစည်းလုံးညီညွတ်ရေးနှင့်ငြိမ်းချမ်းရေးဖော်ဆောင်မှုဗဟိုကော်မတီမှ ယနေ့ ဧပြီ ၂၁ ရက်ကထုတ်ပြန်ဖိတ်ခေါ်ခဲ့သည်။

ငြိမ်းချမ်းရေးလုပ်ငန်းစဉ်များဖော်ဆောင်ရာတွင် လက်နက်ကိုင်ပဋိပက္ခများချုပ်ငြိမ်းရန်နှင့် နိုင်ငံရေးပြဿနာကို နိုင်ငံရေးနည်းလမ်းဖြင့်ဖြေရှင်းရန်အထူးလိုအပ်ရာ နိုင်ငံတော်ဖွံ့ဖြိုးတိုးတက်ရေးနှင့် တည်ငြိမ်အေးချမ်းရေးတို့အတွက် ငြိမ်းချမ်းရေးလုပ်ငန်းစဉ်များ အ ကောင်အထည်ဖော်နိုင်ရန် ကြိုတင်ကန့်သတ်ချက်များ မထားသည့်ဆွေးနွေးပွဲများကျင်းပသွားမည်ဟု ဖိတ်ခေါ်ချက်၌ရေးသားထားသည်။

ထို့ကြောင့် NCA လက်မှတ်ရေးထိုးထားသည့် တိုင်းရင်း သားလက်နက်ကိုင်အဖွဲ့အစည်းများအနေဖြင့် ရေရှည်တည်တံ့ခိုင်မြဲသော ငြိမ်းချမ်းရေးရရှိရန် တာဝန်ယူမှု၊ တာဝန်ခံမှုနှင့် ပွင့်လင်းမြင်သာမှုတို့ကိုအခြေခံ၍ NCA ပါသဘောတူညီချက်များကို ပြီးစီးအောင်မြင်သည်အ ထိ အတူတကွပူးတွဲအကောင်အထည်ဖော်နိုင်ရေးတွေ့ ဆုံဆွေးနွေးရန် ဖိတ်ခေါ်ခဲ့သည်။

NCA လက်မှတ်မရေးထိုးရသေးသည့် တိုင်းရင်းသားလက်နက်ကိုင်အဖွဲ့အစည်းများအနေဖြင့်လည်း မိမိတို့ဒေသနှင့် နိုင်ငံတော်ဖွံ့ဖြိုးတိုးတက်ရေးအတွက် နှစ်ဖက်သဘောတူညီထားသည့် သဘောတူညီချက်များအ တိုင်း နိုင်ငံတော်အစိုးရနှင့် လက်တွဲပူးပေါင်းပြီး ရေ ရှည်တည်တံ့ခိုင်မြဲသော ငြိမ်းချမ်းရေးတည်ဆောက်နိုင်ရေးတွေ့ဆုံဆွေးနွေးရန်လည်း ဖိတ်ခေါ်ခဲ့သည်။

NCA လက်မှတ်ရေးထိုးထားပြီး အကြောင်းအမျိုးမျိုးကြောင့် NCA လမ်းကြောင်းမှသွေဖည်နေသည့် တိုင်း ရင်းသားလက်နက်ကိုင်အဖွဲ့အစည်းများအနေဖြင့်လည်း ငြိမ်းချမ်းရေးဆွေးနွေးပွဲများဖြင့် ရင်းနှီးပွင့် လင်းစွာ ညှိနှိုင်းအဖြေရှာနိုင်ရေးအတွက် နိုင်ငံရေးအရ တွေ့ဆုံဆွေးနွေးမှုများပြန်လည်လုပ်ဆောင်ရန်လည်း အသိပေးခဲ့သည်။

ထို့ကြောင့် ယနေ့ ဧပြီ ၂၁ ရက်မှစ၍ ဇူလိုင် ၃၁ ရက်အတွင်း ငြိမ်းချမ်းရေးဖိတ်ခေါ်မှုကို အသိအမှတ်ပြုကာ ဆွေးနွေးပွဲများဆောင်ရွက်ကြရန်လည်း ဖိတ်ခေါ်ချက်၌ရေးသားထားသည်။

ထိုသို့ ဆွေးနွေးမှုများပြုလုပ်နိုင်ရန် သက်ဆိုင်ရာအဖွဲ့အစည်းများအနေဖြင့် တိုင်းရင်းသားပြည်သူလူထု၏ အကျိုးစီးပွားနှင့် ငြိမ်းချမ်းရေးဆန္ဒကိုရှေးရှုပြီး နိုင်ငံ တော်အစိုးရ၏ ငြိမ်းချမ်းရေးဆွေးနွေးမှုလုပ်ငန်းများဆောင်ရွက်ရန် တာဝန်ပေးထားသည့် အမျိုးသားစည်းလုံးညီညွတ်ရေးနှင့် ငြိမ်းချမ်းရေးဖော်ဆောင်မှုညှိနှိုင်းရေးကော်မတီနှင့် ဆက်သွယ်ဆောင်ရွက်ရန်၊ ထိရောက်သောငြိမ်းချမ်းရေးဆွေးနွေးပွဲများဖြစ်မြောက်ရေးအ တွက် သက်ဆိုင်ရာအသင်းအဖွဲ့များ၊ Stakeholder များမှ ဝိုင်းဝန်းကြိုးပမ်းဆောင်ရွက်ပေးကြရန်လည်း ဖိတ်ခေါ်ချက်၌ရေးသားထားသည်။