ယနေ့ အောက်တိုဘာလ ၁၅ ရက်တွင် ရန်ကုန်တရုတ်ယဉ်ကျေးမှုစင်တာ၌ China Media Group မှ ရိုက်ကူးတင်ဆက်ထားသည့် “Shen Zhou 13” မှတ်တမ်းရုပ်ရှင်ပြပွဲအခမ်းအနားကျင်းပခဲ့သည်။
အဆိုပါရုပ်ရှင်သည် အာကာသ၊ ကမ္ဘာမြေ နှင့် အာကာသယာဉ်မှူးတွေ အာကာသမှာနေထိုင်မှုပုံစံတွေဗဟုသုတအဖြစ်ပြသသည့် မှတ်တမ်းရုပ်ရှင်ဖြစ်ကာ ၊ လက်ရှိမှာတရုတ်နိုင်ငံမှာရုပ်ရှင်ရုံများမှာ ပြသလျက်ရှိပြီး လူကြိုက်များရေပန်းစားနေတဲ့ နောက်ဆုံးထွက်ရှိထားတဲ့ရုပ်ရှင်ကားထဲတွေထဲက တစ်ကားဖြစ်ပြီး၊ လူငယ်တွေ၊ ကျောင်းသားကျောင်းသူတွေ မိဘတွေက အလွန်စိတ်ဝင်စားဖို့ကောင်းတဲ့ပညာပေးရုပ်ရှင်လို့မှတ်ချက်ပေးထားကြောင်း သိရသည်။
“ဒီနေ့ကျွန်မတို့ အသက်အရွယ်အသီးသီးက မြန်မာကျောင်းသူကျောင်းသားတွေကို ဖိတ်ကြားနိုင်ခဲ့ပါတယ်။ မတူညီတဲ့နိုင်ငံအသီးသီးက ကျောင်းသူကျောင်းသားတွေ အာကာသ အသိပညာကိုအတူတူလေ့လာပြီး သိပ္ပံနည်းပညာရဲ့စွမ်းအားတွေကို သိရှိနားလည်တာကအလွန်အဓိပ္ပာယ်ရှိပါတယ်။ နောက်လ နိုဝင်ဘာလမှာ တရုတ်ရုပ်ရှင်ပွဲတော် မကြာခင်ကျင်းပမှာဖြစ်ပြီး တရုတ်နိုင်ငံမှာလူကြိုက်များတဲ့ထူးချွန်ရုပ်ရှင်များကို မြန်မာဘာသာနဲ့ စာတန်းထိုးပြီး မြန်မာနိုင်ငံက ရုပ်ရှင်ရုံတွေမှာပြသသွားမှာဖြစ်ပါတယ်။ မီဒီယာအနေနဲ့ မြန်မာပရိတ်သတ်တွေအတူတူ ရုပ်ရှင်အနုပညာကိုခံစားပြီး ဖန်သားပြင် ပိတ်ကားတွေကနေတစ်ဆင့် တရုတ်နိုင်ငံအကြောင်းကို ပိုမိုသိရှိလေ့လာနိုင်မှာဖြစ်တဲ့အတွက် အလွန်ဝမ်းသာမိကြောင်း China Media Group မှ ပြောသည်။