Category: Movies

၂၀၂၄ ခုနှစ်နှင့် ၂၀၂၅ ခုနှစ်တို့တွင်စိုက်ပျိုးခဲ့သော သစ်ပင်များမှရှင်သန်ဖြစ်ထွန်းမှုအား နည်းသည့်အပင်များနေရာတွင် သစ်ပင်ပေါင်း(၄၅၉၉) ပင်ကို လျှပ်စစ်စွမ်းအားဝန်ကြီးဌာနမှ ယနေ့ စက်တင်ဘာ ၂၀ ရက်နံနက်ပိုင်းကအစားထိုးစိုက်ပျိုးခဲ့ကြသည်။ နေပြည်တော်၊ ဥတ္တရသီရိမြို့နယ်ရှိ ဗဟိုသင်တန်းကျောင်းဝင်းအတွင်း၌ပြုလုပ်သည့် ရတနာတန်းဝင်ကျွန်းပင်များမှ ရှင်သန်ဖြစ်ထွန်းမှုအားနည်းသည့်အပင်များနေရာတွင် ရတနာတန်းဝင်ကျွန်းပင်များကို တစ်ပြိုင်တည်းအစားထိုးစိုက်ပျိုးနေမှုကို လျှပ်စစ်စွမ်းအားဝန်ကြီးဌာန ပြည်ထောင်စုဝန်ကြီးဦးဥာဏ်ထွန်းမှကြည့်ရှုအားပေးခဲ့သည်။ လျှပ်စစ်စွမ်းအားဝန်ကြီးဌာန၏ တိုင်း/ပြည်နယ် အသီးသီးရှိ ဝန်ကြီးဌာနကြီးကြပ်မှုအောက်မှ စီမံကိန်းညွှန်ကြားရေးမှူးရုံးများ၊ စီမံကိန်းမန်နေဂျာရုံးများ၊ မဟာဓာတ်အားလိုင်းမှူးရုံးများ၊ ပင်မဓာတ်အားခွဲရုံများ၊ တည်ဆောက်ရေးညွှန်ကြားရေးမှူးရုံးများ၊ ဓာတ်အားပေးစက်ရုံများ၊ တိုင်း/ပြည်နယ်/ခရိုင်/မြို့နယ်လျှပ်စစ်အင်ဂျင်နီယာရုံးများတွင်လည်း ၂၀၂၄ ခုနှစ်နှင့် ၂၀၂၅ ခုနှစ်များတွင် စိုက်ပျိုးခဲ့သောသစ်ပင်များမှ ရှင်သန်ဖြစ်ထွန်းမှုအားနည်းခဲ့သည့် အပင်များနေရာတွင် အစားထိုးစိုက်ပျိုးမှုများကို ယနေ့တွင် ပြုလုပ်ခဲ့ကြသည်။ ရတနာတန်းဝင်ကျွန်းပင်(၇၃၃)ပင်၊ နှစ်ရှည်သီးနှံပင် (၂,၂၆၈)ပင်၊ နှစ်ရှည်ပန်းအလှပင်(၇၁၇)ပင်၊ အရိပ်ရလေကာပင်(၈၈၁)ပင်(စုစုပေါင်း ၄,၅၉၉ ပင်)ကို အစား ထိုးစိုက်ပျိုးခဲ့ကြသည်။