ယူကရိန်းပဋိပက္ခ ရည်မှန်းချက်အောင်မြင်ဖို့ ထရမ့်ကို ပူတင် ဖုန်းဆက်

မော်စကို၊ ဇူလှိုင် ၄

ရုရှားသမ္မတ ဗလီဒီမီးယားပူတင်သည် ယူကရိန်းနှင့် ဖြစ်ပွားနေသည့် ပဋိပက္ခအတွင်း မော်စကိုသည် မိမိ၏ရည်ရွယ်ချက်များကို အထူးသဖြင့် ယခုအခြေအနေထိရောက်လာစေသည့် အခြေခံအကြောင်းရင်းများကို ဖယ်ရှားရန် ရည်ရွယ်ချက်အပါအဝင် အောင်မြင်အောင် ဆောင်ရွက်မည်ဟု အမေရိကန်သမ္မတ ဒေါ်နယ်ထရမ်နှင့် ကြာသပတေးနေ့က တယ်လီဖုန်းဆက်ရာ၌ ပြောကြားခဲ့သည်ဟု ရုရှားသမ္မတ၏ အကြံပေး ယူရီ ဥရှာကော့ က ဖော်ပြသည်။

“ရုရှားအနေနဲ့ လက်ရှိအခြေအနေတွေကို ဦးတည်သွားစေတဲ့ ဆိုးရွားတဲ့ ထိပ်တိုက်ရင်ဆိုင်မှုတွေအထိ ဖြစ်စေတဲ့ လူသိများတဲ့ အရင်းခံအကြောင်းတရားတွေကို ချေမှုန်းပစ်ဖို့ ရည်မှန်းချက်တွေကို အောင်မြင်အောင် လုပ်ဆောင်သွားမယ်လို့ ရုရှားသမ္မတက ပြောကြားခဲ့ပါတယ်။ ပြီးတော့ ရုရှားအနေနဲ့ ဒီရည်မှန်းချက်တွေကို မစွန့်ပါဘူး” ဟု ဥရှာကော့ က ပြောကြားခဲ့သည်။

ရုရှားသည် ယူကရိန်းနှင့် တတိယအကျော့ ဆွေးနွေးပွဲအတွက် အဆင်သင့်ဖြစ်နေပြီဟု ပူတင်နှင့် ထရန့်တို့က ဖြစ်နိုင်ချေရှိသော စေ့စပ်ညှိနှိုင်းမှုအတွင်း ဆွေးနွေးမည့် အကြောင်းအရာများကို အသေးစိတ် မညှိနှိုင်းခဲ့ကြောင်း ၎င်းက ပြောကြားခဲ့သည်။

ရုရှားသမ္မတပူတင်နှင့် ထရမ့်တို့သည် အီရန်နှင့် အရှေ့အလယ်ပိုင်း လက်ရှိအခြေအနေနှင့်ဆီးရီးယားအခြေအနေမျာစကို ဖုန်းဖြင့် ဆွေးနွေးခဲ့ကြသည်ဟု ကရင်မလင်လက်ထောက်က မီဒီယာတွေကို ပြောကြားခဲ့ပါသည်။
“အရှေ့အလယ်ပိုင်းပြဿနာမှာ အငြင်းပွားမှုတွေ၊ သဘောထားကွဲလွဲမှုတွေနဲ့ ပဋိပက္ခအခြေအနေတွေကို နိုင်ငံရေးနဲ့ သံတမန်နည်းလမ်းနဲ့ပဲ ဖြေရှင်းဖို့ အရေးကြီးကြောင်း ပူတင်က အလေးပေး ပြောကြားခဲ့ပါတယ်။ နှစ်ဖက်စလုံးက နိုင်ငံခြားရေး ဝန်ကြီးဌာနတွေ၊ ကာကွယ်ရေး ဝန်ကြီးဌာနတွေနဲ့ သမ္မတ လက်ထောက်အဆင့်မှာ ဆက်သွယ်မှုများကို ထိန်းသိမ်းဖို့ သဘောတူခဲ့ပါတယ်” ဟု ၎င်းက ပြောကြားခဲ့သည်။

စွမ်းအင်နှင့် အာကာသ အပါအဝင် ရုရှားနှင့် အမေရိကန်ကြား စီးပွားရေး ပရောဂျက်များကို အကောင်အထည်ဖော်ရန် အပြန်အလှန် စိတ်ဝင်စားကြောင်း ပူတင်နှင့် ထရမ့်က အတည်ပြုခဲ့ကြောင်း ဥရှာကော့ က ပြောကြားခဲ့သည်။

“နှစ်နိုင်ငံ ဆိုင်ရာ ကိစ္စရပ်များအပေါ် အမြင်ချင်းဖလှယ်ခြင်း မူဘောင်အတွင်း အထူးသဖြင့် စွမ်းအင်နှင့် အာကာသ သုတေသနနယ်ပယ်များတွင် အလားအလာရှိသော စီးပွားရေး ပရောဂျက်များ အကောင်အထည်ဖော်ရေးတွင် နှစ်ဦးနှစ်ဘက် အပြန်အလှန် အကျိုးစီးပွားရှိသည်ကို အတည်ပြုခဲ့ကြောင်း ၎င်းက ပြောကြားခဲ့သည်။
ဥရှာကော့ က သမ္မတများသည် ၎င်းတို့၏ ဆက်သွယ်မှုကို ဆက်လက်လုပ်ဆောင်ရန် သဘောတူခဲ့ကြောင်း ပြောကြားခဲ့သည်။

Ref: ရှင်းဟွာ