တရုတ်နိုင်ငံ၏ အကြီးဆုံးစွမ်းအင်လုပ်ငန်းစုများထဲမှ တစ်ခုဖြစ်သည့် China Datang Corporation သည် နည်းပညာဆန်းသစ်တီထွင်မှု၊ စွမ်းအင်ဒစ်ဂျစ်တယ်အသွင်ကူးပြောင်းရေးနှင့် ကာဗွန်လျှော့ချရေးဆိုင်ရာ လုပ်ငန်းများကို နိုင်ငံတကာမီဒီယာများအားပြသခဲ့သည်။
၂၀၂၅ ခုနှစ် နှစ်ကုန်ပိုင်းအထိ China Datang ၏ စုစုပေါင်းတပ်ဆင်စွမ်းအားမှာ ၂၁၄ ဂီဂါဝပ် (GW) ရှိပြီး သန့်ရှင်းစွမ်းအင်အချိုးအစားမှာ ၅၁.၂၁ ရာခိုင်နှုန်းအထိ ရောက်ရှိခဲ့သည်။ ကုမ္ပဏီ၏ စွမ်းအင်စီမံကိန်းများကို မြန်မာနိုင်ငံအပါအဝင် နိုင်ငံ ၁၂ နိုင်ငံတွင် အကောင်အထည်ဖော်လျက်ရှိသည်။
Gaojing သုတေသနစင်တာ၌ AI အခြေပြု လျှပ်စစ်ဓာတ်အားခန့်မှန်းစနစ်၊ လေအားတာဘိုင်ထိန်းချုပ်မှုစနစ်နှင့် စွမ်းအင်စီမံခန့်ခွဲရေး ဒစ်ဂျစ်တယ်နည်းပညာများကို ပြသခဲ့ပြီး ရိုဘော့နှင့် ဒရုန်းနည်းပညာများဖြင့် စွမ်းအင်စက်ရုံများ၏ စစ်ဆေးထိန်းသိမ်းရေးလုပ်ငန်းများကို ဆောင်ရွက်လျက်ရှိသည်။
Datang International Gaojing Gas Thermal Power Plant တွင်လည်း သဘာဝဓာတ်ငွေ့သုံး ပေါင်းစပ်စွမ်းအင်ထုတ်လုပ်မှုနည်းပညာနှင့် Zero-Carbon Heating System ကို အသုံးပြုကာ ပေကျင်းမြို့၏ လျှပ်စစ်ဓာတ်အားနှင့် အပူပေးဝန်ဆောင်မှုများကို ထောက်ပံ့ပေးလျက်ရှိကြောင်း သိရသည်။
China Datang က အနာဂတ်တွင် သန့်ရှင်းစွမ်းအင်၊ စွမ်းအင်သိုလှောင်ရေး၊ ဟိုက်ဒရိုဂျင်စွမ်းအင်နှင့် ဒစ်ဂျစ်တယ်စွမ်းအင်စနစ်များကို ပိုမိုတိုးချဲ့ဖွံ့ဖြိုးစေကာ ကမ္ဘာလုံးဆိုင်ရာ စွမ်းအင်အသွင်ကူးပြောင်းရေးနှင့် ကာဗွန်လျှော့ချရေးလုပ်ငန်းများတွင် ဆက်လက်ပါဝင်သွားမည်ဖြစ်ကြောင်း သိရသည်။