ဇန်နဝါရီ ၁၅ ရက်နံနက်ပိုင်းက စစ်ကိုင်းတိုင်း၊ဟုမ္မလင်းခရိုင်ရှိ ခရိုင်၊မြို့နယ်အဆင့် ဌာနဆိုင်ရာတာ ဝန်ရှိသူများ၊မြို့မိ၊မြို့ဖများ၊အသေးစား၊အငယ်စားနှင့်အလတ်စား စီးပွားရေး(MSME)လုပ်ငန်းရှင်များအား နစက ဥက္ကဋ္ဌ၊ ဝန်ကြီးချုပ်၊ ဗိုလ်ချုပ်မှူးကြီးမင်းအောင်လှိုင်က ဒေသဖွံဖြိုးရေးနှင့်ပတ်သက်၍ ပြောကြားရာ၌ ထည့်သွင်းပြောကြားခဲ့ခြင်းဖြစ်သည်။
ဟုမ္မလင်းဒေသသည် ဒေသဖွံ့ဖြိုးတိုးတက်ရေးဆောင်ရွက်နိုင်မည့် အခြေအနေများကို ပိုင်ဆိုင်ထားရှိပြီးဖြစ်၍ ဒေသတွင်းဖြစ်ထွန်းသည့် လက် ဖက်၊ရာဘာစိုက်ပျိုးခြင်းများကို အားပေးဆောင် ရွက်ကြရမည်ဟု ဆိုသည်။
ဒေသတွင်း၌ မြေပဲ၊နှမ်း၊ဆီမုန်ညှင်းတို့စိုက်ပျိုးကာ ဝါးသယံဇာတ၊ကြိမ်၊ရွှေ၊သဘာဝသယံဇာတအရင်းအမြစ်များ၊ရေနံနှင့်သဘာဝဓာတ်ငွေ့များလည်းထွက်ရှိ၍ ဒေသဖွံ့ဖြိုးရေးအတွက် အဓိက လိုအပ်သည့် လျှပ်စစ်စွမ်းအားရရှိရေးကို ကြိုးပမ်းဆောင်ရွက်လျက်ရှိကြောင်းပြောသည်။
“လူအများစုလုပ်ကိုင်တဲ့ စီးပွားရေးလုပ်ငန်းတွေကို အားပေးဆောင်ရွက်မှသာ နိုင်ငံ့စီးပွားရေးဖွံ့ ဖြိုးတိုးတက်မှာဖြစ်တဲ့အတွက် မိမိတို့အနေနဲ့ MSME လုပ်ငန်းတွေကို အားပေးဆောင်ရွက်နေခြင်းဖြစ်ပါတယ်”ဟု နစက ဥက္ကဋ္ဌက ဆိုသည်။
ထို့ပြင် MSME လုပ်ငန်းများအား အားပေးဆောင် ရွက်နေခြင်းမှာ တိုင်းပြည်၏စီးပွားရေးမြှင့်တင်ရန်၊ပြည်ပသွင်းကုန်များအစားထိုးနိုင်ရန်နှင့်ပြည် ပသို့ ပြည်တွင်းထုတ်ကုန်များတင်ပို့နိုင်ရန် ရည် ရွယ်ဆောင်ရွက်နေခြင်းဖြစ်ပြီး ဒေသမှထွက်ရှိသည့် ကုန်ကြမ်းများကို အခြေခံသည့် ကုန်ထုတ် လုပ်မှုလုပ်ငန်းများကို အားပေးဆောင်ရွက်ရမည်ဟု ရှင်းပြသည်။
ဟုမ္မလင်းဒေသတွင် ဒေသတွင်းသီးနှံများ ပန်းတိုင်အထွက်နှုန်းရရှိရေးကို ဆောင်ရွက်ရမည်ဖြစ်ကာ တစ်ဧကအထွက်နှုန်းတိုးတက်အောင်ဆောင် ရွက်နိုင်ပါက ဒေသတွင်းရှိပြည်သူများ၏ ဝင်ငွေများစွာတိုးတက်လာမည်ဖြစ်ပြီး လူမှုစီးပွားဘဝလည်း မြင့်တက်လာမည်ဟု ဆိုသည်။
ဟုမ္မလင်းဒေသ၌ အရည်အသွေးကောင်းမွန်သည့် ဆန်နှင့်အခြားစိုက်ပျိုးရေးထုတ်ကုန်များထွက်ရှိ၍ ဒေသတွင်းစိုက်ပျိုးရေးထုတ်ကုန်များကို အ ခြေခံသည့် ကုန်ထုတ်လုပ်မှုလုပ်ငန်းများအား အောင်မြင်အောင်ဆောင်ရွက်နိုင်ပါက ဒေသဖွံ့ ဖြိုးတိုးတက်မှုကို များစွာအကျိုးပြုမည်ဟု ဆို သည်။
“စိုက်ပျိုးရေးလုပ်ငန်းတွေအတွက်လိုအပ်တဲ့ သုံးရေရရှိရေးကို ချင်းတွင်းမြစ်ကနေ မြစ်ရေတင်လုပ်ငန်းတွေနဲ့ ဆောင်ရွက်လို့ရနိုင်မှာဖြစ်ပါတယ်” ဟု နစက ဥက္ကဋ္ဌကပြောသည်။
ထို့အတူ စိုက်ပျိုးမွေးမြူရေးကို အခြေခံသည့် ကုန်ထုတ်လုပ်ငန်းများအား အောင်မြင်စွာဆောင် ရွက်နိုင်ရန် စိုက်ပျိုးရေး၊မွေးမြူရေးနှင့်ပတ်သက်သည့် အသိပညာရှင်၊အတတ်ပညာရှင် လူ့စွမ်း အားအရင်းအမြစ်ကောင်းများရရှိရန် နိုင်ငံနှင့်အဝန်း၌ စိုက်ပျိုးမွေးမြူရေး၊အထက်တန်းကျောင်းများနှင့်သိပ္ပံများ ဖွင့်လှစ်၍ အားပေးဆောင်ရွက်လျက်ရှိသည်ဟု ဆိုသည်။
“မိမိတို့အနေနဲ့ ပြည်တွင်းစီးပွားရေးလုပ်ငန်းတွေကို အဓိကထားအားပေးဆောင်ရွက်ရမှာဖြစ်ပါတယ်”ဟု နစက ဥက္ကဋ္ဌကပြောကြားခဲ့သည်။
