တရုတ်၏ကျူးကျော်နိုင်မှု အရိပ်အ‌ယောင်များကြောင့် ထိုင်ဝမ်လည်းစစ်ရေးလေ့ကျင့်

တရုတ်၏ကျူးကျော်နိုင်မှု အရိပ်အ‌ယောင်များကြောင့် ထိုင်ဝမ်လည်းစစ်ရေးလေ့ကျင့်

ဖင်းဂန်၊ဩဂုတ် ၉

ထိုင်ဝမ်၏ထိပ်တန်းသံတမန်က တရုတ်နိုင်ငံသည် ထိုင်ဝမ်ကိုကျူးကျော်ရန် ပြင်ဆင်နေကြောင်းစွပ်စွဲကာ အင်္ဂါနေ့ (သြဂုတ် ၉ ရက်) တွင် အမြောက်တပ်စစ်ရေးလေ့ကျင့်မှုတစ်ခုပြုလုပ်ခဲ့သည်။

အမေရိကန်အောက်လွှတ်တော် ဥက္ကဌနန်စီပေလိုစီ၏ ခရီးစဉ်အပြီးတွင် တရုတ်သည် ၎င်း၏အကြီးမားဆုံး ရေပြင်နှင့်ဝေဟင်စစ်ရေးလေ့ကျင့်မှုများကို ထိုင်ဝမ်အနီးတွင်ပြုလုပ်ခဲ့သည်။

ပေကျင်းက ပေလိုစီ၏ခရီးစဉ်ကို စစ်ရေးအကြောင်းပြချက်တစ်ခုအဖြစ် အသုံးပြုခဲ့သည်ဟုဆိုကာ “ထိုင်ဝမ်အားကျူးကျော်ရန် ပြင်ဆင်ဖို့အတွက် တရုတ်ကစစ်ရေးလေ့ကျင့်မှုတွေနဲ့ စစ်ရေးပြနည်းတွေကို အသုံးပြုနေပါတယ်” ဟု ထိုင်ဝမ်နိုင်ငံခြားရေးဝန်ကြီး Joseph Wu က အင်္ဂါနေ့ကတိုင်ပေ၌ ပြုလုပ်သော သတင်းစာရှင်းလင်းပွဲတွင်ပြောကြားခဲ့သည်။

“တရုတ်ရဲ့တကယ့်ရည်ရွယ်ချက်က ထိုင်ဝမ်ရေလက်ကြားနဲ့ ဒေသတစ်ခုလုံးက လက်ရှိအနေအထားကိုပြောင်းလဲဖို့ပါပဲ” ဟုလည်း၎င်းကပြောကြားခဲ့သည်။

ထိုင်ဝမ်၏စစ်ရေးလေ့ကျင့်မှုကို စင်္ကာပူစံတော်ချိန်နံနက် ၈ နာရီ ၄၀ မိနစ်၌ နိုင်ငံ၏တောင်ပိုင်း Pingtung ဒေသတွင်စတင်ခဲ့ပြီးနောက် တစ်နာရီခန့်အကြာတွင် ပြီးဆုံးခဲ့သည်ဟု တပ်မတော်မှပြောရေးဆိုခွင့်ရှိသူ မစ္စတာ Lou Woei-jye ကပြောကြားခဲ့သည်။

ယခုစစ်ရေးလေ့ကျင့်မှုသည် ယခင်ကတည်းကအစီစဉ်ဆွဲထားပြီးသားဖြစ်ကာ တရုတ်လေ့ကျင့်မှုကို တုံ့ပြန်ခြင်းမဟုတ်ကြောင်း မစ္စတာ Lou က AFP သို့ပြောကြားခဲ့သည်။

ထိုင်ဝမ်ကျွန်းနိုင်ငံငယ်သည် တရုတ်၏ကျူးကျော်မှုကို ခုခံကာကွယ်သည့် ပုံစံတူစစ်ရေးလေ့ကျင့်မှုကို ပုံမှန်ပြုလုပ်လေ့ရှိပြီး ပြီးခဲ့သည့်လကလည်းအကြီးဆုံးနှစ်ပတ်လည် စစ်ရေးလေ့ကျင့်မှုအဖြစ် “ပူးတွဲကြားဖြတ်စစ်ဆင်ရေး” တွင် ပင်လယ်ပြင်မှတိုက်ခိုက်ခြင်းကိုလေ့ကျင့်ခဲ့သည်။

တရုတ်သည် ထိုင်ဝမ် ပြည်သူများကို စိတ်ဓာတ်ကျစေရန် အကြီးစားစစ်ရေးလေ့ကျင့်မှုများနှင့် ဒုံးကျည်ပစ်လွှတ်မှုများအပြင် ဆိုက်ဘာတိုက်ခိုက်မှုများ၊ မဟုတ်မမှန်သော လှုံ့ဆော်မှုများနှင့် စီးပွားရေးအရအကျပ်ကိုင်မှုများကိုပါ ပြုလုပ်နေသည်ဟု ၎င်းကပြောကြားခဲ့သည်။

နိုင်ငံခြား​ရေးဝန်ကြီးမစ္စတာ Wu က တရုတ်နိုင်ငံကိုဆန့်ကျင်လျက် ထိုင်ဝမ်သို့မရောက်ရောက်အောင်လာပေးခဲ့သည့်မစ္စပေလိုစီ၏ခရီးစဉ်အတွက် ‌အမေရိကအပါအဝင် အနောက်နိုင်ငံမှမဟာမိတ်များအားကျေးဇူးတင်ကြောင်းထပ်မံပြောကြားခဲ့သည်။

Source – AFP/ta