ဗြိတိန်တစ်ဝှမ်း အိုမီခရွန်မျိုးကွဲသစ်များ ကူးစက်ပျံ့နှံ့မှု မြင့်မား

ဗြိတိန်တစ်ဝှမ်း အိုမီခရွန်မျိုးကွဲသစ်များ ကူးစက်ပျံ့နှံ့မှု မြင့်မား

ကိုဗစ်ရောဂါကူးစက်မှုနှုန်းကို ပြသသည့် အချက်အလက်သစ်များအရ ကိုရိုနာဗိုင်းရပ်ရောဂါ အိုမီခရွန်မျိုးကွဲများသည် ဗြိတိန်နိုင်ငံ တစ်ဝှမ်းတွင် ဆက်လက်ပျံ့နှံလျက်ရှိနေကြောင်း သိရသည်။

ဇွန်လ ၂၉ ရက်နေ့ အကုန်တွင် စစ်ဆေးခဲ့သော စစ်ဆေးချက်အရ ခန့်မှန်းခြေ လူ ၂၅ ဦး၌ တစ်ဦးသည် ကိုဗစ်-၁၉ ကပ်ရောဂါကူးစက်သဖြင့် တစ်နိုင်ငံလုံး ကူးစက်သူဦးရေ ၂၁ သန်းကျော်ရှိကြောင်း အမျိုးသားစာရင်းအင်းရုံး ONS ၏ စစ်တမ်းအရ သိရသည်။

စစ်တမ်းအရ ဗြိတိန်တစ်ဝှမ်း အသက်အရွယ်အားလုံးတွင် ကူးစက်မှု မြင့်မားနေပြီး စကော့တလန်နှင့် မြောက်အိုင်ယာလန်တို့တွင် ကူးစက်ခံရမှုနှုန်း အမြင့်မားဆုံးဖြစ်ကြောင်း တွေ့ရသည်။

ONS၏ အချက်အလက်များသည် လူဦးရေမည်မျှ ဗိုင်းရပ်စ်ကူးစက်ခံနေသည်ကို ခန့်မှန်းခြေ သိရှိရန် ထောင်ပေါင်းများစွာသော ကိုယ်ပိုင်အိမ်များကို စစ်ဆေးခဲ့ရာမှ စုဆောင်းထားခြင်းဖြစ်သည်။

 စစ်တမ်းများအရ အိုမီခရွန်မျိုးကွဲသစ် BA.4 နှင့် BA.5 တို့၏ ကူးစက်မှုများကြောင့် ယခုကဲ့သို့ မြင့်တက်လာကြောင်း အဆိုပါစစ်တမ်းအတွက် ခွဲခြမ်းစိတ်ဖြာမှု ရလဒ်များကို ဦးစီးရသည့် ဆာရာ ခရော့ဖ် ကပြောကြားခဲ့သည်။

ကာကွယ်ဆေးမထိုးရသေးသူများသည် ပြန်လည်ကူးစက်နိုင်ခြေပိုများ၍ အသက်ငယ်ရွယ်သူများ သို့မဟုတ် ပထမဆုံးအကြိမ် ကူးစက်ခံရသူများတွင် ကိုဗစ်-၁၉ ရောဂါ ကူးစက်ခံရမှု လက္ခဏာမပြကြောင်း သိရသည်။

Warwick ဆေးကျောင်းမှ ဗိုင်းရပ်စ်ဗေဒပညာရှင်နှင့် မော်လီကျူးကင်ဆာဗေဒ ပါမောက္ခ လောရန့်စ် ယန်း က အိုမီခရွန်မျိုးကွဲများဖြစ်သည့် BA.4 နှင့် BA.5 တို့သည် ကူးစက်နိုင်မှု အလွယ်ကူဆုံးသော မျိုးကွဲများ ဖြစ်သည်ဟု ဆိုသည်။

ကိန်းဂဏန်းအချက်အလက်များအရ ဗြိတိန်သည် ကိုဗစ်ရောဂါ စံချိန်တင်ဖြစ်ပွားမှုဆီသို့ ဦးတည်နေပြီး ဤထူးခြား၍ လျင်မြန်သော ကူးစက်မှုနှုန်းကြောင့် ကာကွယ်ဆေးအပြည့်ထိုးမထားသူများသည် ပြင်းထန်သောနာမကျန်းဖြစ်မှုဒဏ်ကို မလွှဲမသေခံစားရမည်ဖြစ်ကြောင်း ၎င်းက သတိပေးခဲ့သည်။ 

Source: Chinadaily