ကိုးရီးယားအဖွဲ့ NCT 127သည် စင်္ကာပူတွင် ဖျော်ဖြေမည်

ကိုးရီးယားအဖွဲ့ NCT 127သည် စင်္ကာပူတွင် ဖျော်ဖြေမည်
June 14, 2022 Popular Journal

ကိုးရီးယားအဖွဲ့ NCT 127သည် စင်္ကာပူတွင် ဖျော်ဖြေမည်

တောင်ကိုရီးယား ယောင်္ကျားလေး ကေပေါ့ဂီတအဖွဲ့ NCT 127 သည် ဇူလိုင်လ ၂ ရက်နေ့၌ စင်္ကာပူမိုးလုံလေလုံအားကစားရုံတွင် လာရောက်ဖျော်ဖြေမည်ဖြစ်ကြောင်း သိရသည်။

နီယီုစီးတီး : စင်္ကာပူ – လင့်ခ်( Neo City – The Link tour) ဟုအမည်ပေးထားသော အဆိုပါဖျော်ဖြေပွဲ၏ လက်မှတ်များကို Ticketmaster လက်မှတ်အရောင်း ဝက်ဘ်ဆိုက်မှ (ဇွန်လ ၁၄ ရက်) အင်္ဂါနေ့ ညနေ ၄ နာရီမှ စတင်ရောင်းချသွားမည်ဖြစ်ပြီး ဈေးနှုန်းမှာ စင်္ကာပူဒေါ်လာ ၁၆၈ (မြန်မာငွေ ၂သိန်း ၂ သောင်းကျော်) မှ စင်္ကာပူဒေါ်လာ ၂၈၈ (မြန်မာငွေ ၃သန်း ၈သောင်းကျော်) အထိရှိကြောင်း သိရသည်။

အဖွဲဝင် ကိုးဦးပါဝင်သော NCT 127 အဖွဲ့သည် ၎င်း၏ နီယီုစီးတီး : စင်္ကာပူ – လင့်ခ် လိုက်လံဖျော်ဖြေပွဲ ( Neo City – The Link tour )အား ပြီးခဲ့သည့်နှစ် ဒီဇင်ဘာလ၌ ဆိုးလ်တွင် စတင်ဖျော်ဖြေခဲ့ပြီး ယခုနှစ် မေလ၌ ဂျပန်တွင် ဆက်လက်ဖျော်ဖြေခဲ့သည်။

လက်ရှိ NCT 127 အဖွဲ့၌ မွန်းထယ်အီးလ်၊ ဂျွန်နီဆူ၊ လီထယ်ယောင်၊ ယူတာ နာကာမိုတို၊ ကင်မ်ဒုံယောင်း(ဒိုယောင်း)၊ ဂျောင်ယန်အို(ဂျယ်ဟွန်)၊ ကင်မ်ဂျွန်ဝူ၊ မက်ခ်လီ နှင့် လီဒုံဟက်(ဟီချန်) ပါဝင်ကြောင်း သိရသည်။

အဖွဲ့ဝင် ၂၃ ဦးရှိသည့် မူလ NCT အဖွဲအား NCT U နှင့် NCT 127 ဟူ၍နှစ်ဖွဲ့ခွဲထားကာ နှစ်ဖွဲ့စလုံးရှိ အဖွဲဝင်များသည် ထွက်ရှိထားသည့် အယ်လ်ဘမ်ပေါ် မူတည်၍အဖွဲ့ပြောင်းကာ ဖျော်ဖြေရကြောင်း သိရသည်။

NCT 127 သည် ၂၀၁၉ခုနှစ် ဇူလိုင်တွင်လည်း ၎င်းတို့၏ နယ်လှည့်ဖျော်ဖြေပွဲ(Neo City – The Origin tour)အား စင်္ကာပူ မိုးလုံလေလုံကွင်း၌ ပြုလုပ်ခဲ့​သေးသည်။

Source: CNA

Comments (0)

Leave a reply

Your email address will not be published. Required fields are marked *

*