(Unicode)
ခရီးသည်တင် YBS ယာဉ်စီခများမတက်၊ယာဉ်စီးခတက်ကြောင်းဖော်ပြစာများ ပြန်ဖြုတ်ခိုင်းထားဟုဆို
ရန်ကုန်မြို့တွင်းပြေးဆွဲနေသော ခရီးသည်တင် YBS ယာဉ်လိုင်းများတွင် ယာဉ်စီးခများတိုးမြှင့်ကောက်ခံရန် ညွှန်ကြားထားခြင်းမရှိဘဲ ယခင်သတ်မှတ် နှုန်းထားများအတိုင်း ပြေးဆွဲပေးလျက်ရှိကြောင်း ရန်ကုန်တိုင်းဒေသကြီး ပုဂ္ဂလိက သယ်ယူပို့ဆောင်ရေးကြီးကြပ်မှုကော်မတီ(YRTC) တွဲဖက်အတွင်းရေးမှူး ဦးလျန်ကျင့် မန်က ပြောသည်။
ပြီးခဲ့သည့်ရက်ပိုင်းအတွင်း YBS ခရီးသည်တင်ယာဉ်လိုင်းအချို့တွင် ယာဉ်စီးခ များ ပြောင်းလဲကောက်ခံခြင်းများရှိကာ၊ ပုံမှန်အားဖြင့် ခရီးစဉ်အစ၊ အဆုံး ကျပ် ၂၀၀ ဖြင့် ပြေးဆွဲနေသည့် ယာဉ်လိုင်းအချို့တွင် ယာဉ်စီးခကို ကျပ် ၂၀၀ နှစ်ပိုင်းခွဲ၍ ခရီးစဉ် အစ၊ အဆုံး ကျပ် ၄၀၀ သို့တိုးမြှင့်ကောက်ခံခြင်းများရှိနေသည်။
“ကျွန်တော်တို့ YRTC အနေနဲ့ ယာဉ်စီးခတွေ တိုးမြှင့်ကောက်ခံဖို့ ညွှန်ကြားထား တာမရှိပါဘူး။ ပုံမှန်သတ်မှတ်နှုန်းထားအတိုင်းပဲ ပြေးဆွဲနေပါတယ်။ ဒီရက်ပိုင်းအတွင်း လူမှုကွန်ရက်တွေမှာပါတဲ့ ယာဉ်စီးခပြောင်းလဲကောက်ခံမှုကို ယာဉ်တွေမှာ ဖော်ပြ ကပ်ထားတာတွေကိုလည်းပြန်ဖြုတ်ခိုင်းထားပါတယ်” ဟု YRTC တွဲဖက်အတွင်းရေးမှူး ဦးလျန်ကျင့်မန်က ဆိုသည်။
ထို့ပြင် YPS ကတ်စနစ် အသုံးပြုနိုင်သော ယာဉ်လိုင်းများတွင် ယာဉ်စီးခကို ကတ်စနစ်ဖြင့် ငွေပေးချေရာတွင်လည်း ဈေးနှုန်းပြောင်းလဲမှုမရှိဘဲယခင်သတ်မှတ်နှုန်းထားများအတိုင်းပင်ဖြစ်ကြောင်း ပြောသည်။
(Zawgyi)
ခရီးသည္တင္ YBS ယာဥ္စီခမ်ားမတက္၊ယာဥ္စီးခတက္ေၾကာင္းေဖာ္ျပစာမ်ား ျပန္ျဖဳတ္ခိုင္းထားဟုဆို
ရန္ကုန္ၿမိဳ႕တြင္းေျပးဆြဲေနေသာ ခရီးသည္တင္ YBS ယာဥ္လိုင္းမ်ားတြင္ ယာဥ္စီးခမ်ားတိုးျမႇင့္ေကာက္ခံရန္ ၫႊန္ၾကားထားျခင္းမရွိဘဲ ယခင္သတ္မွတ္ ႏႈန္းထားမ်ားအတိုင္း ေျပးဆြဲေပးလ်က္ရွိေၾကာင္း ရန္ကုန္တိုင္းေဒသႀကီး ပုဂၢလိက သယ္ယူပို႔ေဆာင္ေရးႀကီးၾကပ္မႈေကာ္မတီ(YRTC) တြဲဖက္အတြင္းေရးမႉး ဦးလ်န္က်င့္ မန္က ေျပာသည္။
ၿပီးခဲ့သည့္ရက္ပိုင္းအတြင္း YBS ခရီးသည္တင္ယာဥ္လိုင္းအခ်ိဳ႕တြင္ ယာဥ္စီးခ မ်ား ေျပာင္းလဲေကာက္ခံျခင္းမ်ားရွိကာ၊ ပုံမွန္အားျဖင့္ ခရီးစဥ္အစ၊ အဆုံး က်ပ္ ၂၀၀ ျဖင့္ ေျပးဆြဲေနသည့္ ယာဥ္လိုင္းအခ်ိဳ႕တြင္ ယာဥ္စီးခကို က်ပ္ ၂၀၀ ႏွစ္ပိုင္းခြဲ၍ ခရီးစဥ္ အစ၊ အဆုံး က်ပ္ ၄၀၀ သို႔တိုးျမႇင့္ေကာက္ခံျခင္းမ်ားရွိေနသည္။
“ကြၽန္ေတာ္တို႔ YRTC အေနနဲ႔ ယာဥ္စီးခေတြ တိုးျမႇင့္ေကာက္ခံဖို႔ ၫႊန္ၾကားထား တာမရွိပါဘူး။ ပုံမွန္သတ္မွတ္ႏႈန္းထားအတိုင္းပဲ ေျပးဆြဲေနပါတယ္။ ဒီရက္ပိုင္းအတြင္း လူမႈကြန္ရက္ေတြမွာပါတဲ့ ယာဥ္စီးခေျပာင္းလဲေကာက္ခံမႈကို ယာဥ္ေတြမွာ ေဖာ္ျပ ကပ္ထားတာေတြကိုလည္းျပန္ျဖဳတ္ခိုင္းထားပါတယ္” ဟု YRTC တြဲဖက္အတြင္းေရးမႉး ဦးလ်န္က်င့္မန္က ဆိုသည္။
ထို႔ျပင္ YPS ကတ္စနစ္ အသုံးျပဳႏိုင္ေသာ ယာဥ္လိုင္းမ်ားတြင္ ယာဥ္စီးခကို ကတ္စနစ္ျဖင့္ ေငြေပးေခ်ရာတြင္လည္း ေဈးႏႈန္းေျပာင္းလဲမႈမရွိဘဲယခင္သတ္မွတ္ႏႈန္းထားမ်ားအတိုင္းပင္ျဖစ္ေၾကာင္း ေျပာသည္။