အခုနှစ်ဇန်နဝါရီ ၂၁ရက်နေ့ကတော့ ဦးညီထွဋ် လို့ ချစ်စနိုးခေါ်ကြတဲ့ တေးသံရှင်ကြီး ဇော်ဝင်းထွဋ်ရဲ့ အသက် ၅၄နှစ် ပြည့်မွေးနေ့ဖြစ်ပါတယ်။ လွန်ခဲ့တဲ့ နှစ်ပေါင်း ၃ဝလောက်က ၁၆နှစ်သား အတွေးနဲ့ အသက် ၅ဝကျော်လူကြီး တစ်ယောက်ရဲ့ အတွေးက ဘာတွေ ကွာခြားသွားပြီလဲဆိုတာ ဦးညီထွဋ်က…
“အမှန်အတိုင်းပြောရရင် အခု ၅ဝပြည့်ပြီး သတိရလို့ တစ်ခေါက် ပြန်ကြည့်လိုက်ရင် ဘယ်လိုဖြစ်လို့ ၅၄နှစ်ကို ရောက်လာခဲ့မှန်းမသိဘူး။ ၁၆နှစ်သားတုန်းကလည်း ၁၆နှစ် သားအတွေးနဲ့ ဖြတ်သန်းရတာပေါ့လေ။ ဒါပေမယ့်လည်း ကိုယ်နေတဲ့ ရက်တိုင်း၊ ရက်တိုင်းကို ပျော်ရွှင် ဖွယ်ရာဖြစ်အောင်၊ တန်ဖိုးရှိအောင် နေဖို့ကြိုးစားရမှာ ပေါ့။ အဲဒီလိုမျိုးပဲ အမြဲနေတယ်။ ဒီတစ်ရက်မှာ ကောင်းတာလည်း လုပ်မိမယ်။ မကောင်းတာလည်းလုပ်မိမယ်။ ဒါပေမဲ့ အဲဒီ တစ်ရက် ကတော့ ညဘက်ရောက်ရင် အဓိပ္ပာယ်ရှိရှိနဲ့ နိဂုံးချုပ် တာပေါ့ နော်။ အဲဒီလိုပဲ ဖြတ်သန်းလာရင်းနဲ့ အသက် ၅၄နှစ်ကို ရောက် လာတယ်လေ။ စိတ်ထဲမှာ တစ်ခါတလေ ၁၆နှစ်သား ပြန်ဖြစ် သွားလိုက်၊ တစ်ခါတလေတော့လည်း အသက် ၈ဝလောက် အဘိုးကြီးဖြစ်လိုက်နဲ့ပေါ့။ အဲဒီလိုပါပဲ”လို့ ဇော်ဝင်းထွဋ်က ပြောပါတယ်။
ပြီးခဲ့တဲ့ ၂ဝ၁၇ခုနှစ်ထဲမှာ The Journey အခွေထွက်ရှိခဲ့သေးသလို ၂ဝ၁၈ခုနှစ်ထဲမှာရော အခွေ သစ် ထပ်ထွက်ဖြစ်ဦးမလားလို့ မေးတဲ့အခါ… “အသစ်တစ်ခွေလုပ်နေပါတယ်။ အသစ်ကတော့Blues တွေပါပဲ။
Commertial ရောင်းတန်း အတွက် ဟုတ်ချင်မှဟုတ်မှာပေါ့။ ကိုယ်လုပ်ချင်တာလေးတွေကိုယ် လုပ်တယ်။ ဘာဖြစ်လို့လဲဆိုတော့ အဲဒီ Blues တွ ဆိုနေ၊ တီးနေမှလည်း အသက်ကဆက်လို့ရတာကိုး။ The Journey ဆိုတာကျတော့လည်း ကိုယ်ဖြတ်သန်းခဲ့တဲ့ ကိုယ့်မိတ်ဆွေ အပေါင်း အသင်းတွေနဲ့ ငါတို့ ဒါတွေကို အတူတူနားထောင်ခဲ့ ကြပါလား၊ ဒီခရီးကို အတူတူ သွားခဲ့ကြပါလားဆိုတဲ့ အမှတ်တရ လေးတွေပေါ့။ Journey ပထမကတော့ ၄ချပ်ထုတ်မလို့။ ၃၊ ၄ ၂ချပ် ရှိသေးတယ်။ အဲဒါက ဆက်တိုက် ထွက်ချင်လည်းထွက်မယ်။ မထွက်ရင်လည်း နောက်မှ ထွက်မယ်။ တီးပြီးသားတွေရှိတယ်။ အဓိကကတော့ ဒီနှစ်သင်္ကြန်ပြီး သွားရင်တော့ စတူဒီယိုထဲပြန်ဝင်ပြီးတော့ သီချင်းတွေ ဆက်သွင်းသွားဖို့ရှိ ပါတယ်” လို့ဇော်ဝင်းထွဋ်ကပြောပြခဲ့ပါတယ်။
မျိုးမောင်