မင်းရဲ့ နေ့ညတစ်ခုလုံး
ကိုယ့်ဖြစ်တည်မှုရဲ့ လာရာသို့ရွေ့စေချင်ပါရဲ့ . . . ။
မျှော်လင့်ချက် အိပ်မက်တွေ
စိတ်ဝိညာဉ်တစ်ခုလုံး လွှမ်းမိုးတဲ့ခါ
အတ္တကြီးမှု ဦးခေါင်းတစ်လုံးနဲ့
ကာလသုံးဖြာကို လှည့်လည်စေစားပြီး
ကြိုးစားမှု အပဲ့တွေကို ပေးမိခဲ့တဲ့ခဏ
လျှောက်လမ်းဟာ နာနာကျင်ကျင်
ဘဝဆိုတာ ဘာဆိုဘာမှ မရေမရာ
မင်း ဒီဒဏ်ရာတွေကို ဆေးထည့်ပေးနိုင်ပါ့မလား ။
လမ်းမထက် ပြေးလွှားနေတဲ့ မော်ဒန်ကဗျာတွေ
သမိုင်းကို တွန်းကန်ဖို့ ရွေ့လျားခြင်းတွေ
အဆိုးများစွာရဲ့ မုန်တိုင်းထန်မှုတွေ
ဒါတွေဟာ ဝဋ်နာကံနာမဟုတ်
ပေါင်းစပ်နေတဲ့ ဂီတအလင်း
မင်း လိုက်ပါ သီဆိုပေးနိုင်ပါ့မလား ။
က – ကလေးငယ် ချစ်စဖွယ်
မင်း . . . ။
ခ – ခရေးကုံး ပြုံးပြုံးလေးတစ်ဖြစ်နဲ့
လက်တွဲခဲ့ နေ့များစွာကို
တပင်တိုင် နန်းတော်အထက်
နေနိုင်ပါရဲ့လား ။
ချစ်စွာသော ဘဝအပဲ့များကြား
အရာရာဟာ အကောင်းတိုင်းမရခဲ့ရင်
အပျက်အစီးတွေကို မြတ်နိုးမှုတစ်ခုအနေနဲ့
တိုးစီးရတဲ့ ဘတ်စ်ကားလို
မင်းကြည်ဖြူစွာ လိုက်ပါနိုင်ရဲ့လား ။
ငါ့ထံပါး အလင်းဖျဖျရှိရဲ့
မင်းထံပါး ချို့တဲ့ရောင်ခြည်ရှိရဲ့
ပေါင်းကူးတံတား ပန်းခင်းလမ်း မဖြစ်တောင်
ကိုယ်ပိုင်အလင်းနဲ့ ထွန်းလင်းနိုင်တယ်ဆို
စိတ်ကူးထားတဲ့ ငါ့တို့ကမ္ဘာအတွက်
ဒီစကားလေး ဆက်သလိုက်တယ် . . .
ဘယ်ဘက်ခြမ်းကိုဖွင့်ပြီး နားစိုက်ထောင်လိုက်ပါ ။
( မင်းရဲ့ နေ့ညတစ်ခုလုံး
ကိုယ့်ဖြစ်တည်မှုရဲ့ လာရာသို့ရွေ့ စေချင်ပါရဲ့ . . . ။)
နေဝန်းသစ်-အင်းစိန်
