ဒုံးကျည်ခြိမ်းခြောက်မှုကြောင့်ထရမ့်ပ် လျှို့ဝှက်စွာလေယာဉ်ပြောင်းစီးခဲ့ခြင်းဖြစ်

ပြီးခဲ့သည့်လက တုကီ‌ယေးနိုင်ငံခရီးစဉ်အတွင်း အဲရ်ဖို့စ်ဝမ်းလေယာဉ်ကို ပခုံးထမ်းဒုံးကျည်ဖြင့် ပ-စ်မှတ်ထားနိုင်သည်ဟူသော အန္တရာယ်ကြောင့် လျှို့ဝှက်ထောက်လှမ်းရေးက သမ္မတဒေါ်နယ်ထရမ့်ပ်ကို အစိုးရဂျက်လေယာဉ်ငယ်တစ်စင်းပေါ်သို့ လျှို့ဝှက်ရွှေ့ပြောင်းစေခဲ့ခြင်းဖြစ်ကြောင်း ယင်းကိစ္စနှင့်ပတ်သက်၍ သိထားသူတစ်ဦးက ဗုဒ္ဓဟူးနေ့တွင် ပြောကြားခဲ့သည်။
         
အီရန်နှင့် တင်းမာမှုများမြင့်တက်နေချိန်တွင် နေတိုးထိပ်သီးအစည်းအဝေးအတွက် ထရမ့်ပ်၏ အန်ကာရာခရီးစဉ် နောက်ဆုံးနေ့တွင် ယင်းခြိမ်းခြောက်မှု အန္တရာယ်ပေါ်ပေါက်ခဲ့ကြောင်း အဆိုပါသတင်းရင်းမြစ်က ပြောကြားခဲ့သည်။ ခြိမ်းခြောက်မှုသည် ယုံကြည်လောက်ဖွယ်ရှိကာ နီးကပ်လာပြီဟု လျှို့ဝှက်ထောက်လှမ်းရေးက ယူဆသဖြင့် အမေရိကန်သမ္မတ၏ လှုပ်ရှားမှုများကို ဖုံးကွယ်ရန် အထူးစစ်ဆင်ရေးတစ်ခုကိုလုပ် ဖြ‌ေဆာင်ခဲ့သည်။
     
ထောက်လှမ်းရေးသတင်းသည် မည်သည့်နေရာမှ ထွက်ပေါ်လာသည်ကို သတင်းရင်းမြစ်က ပြောကြားရန် ငြင်းဆိုခဲ့သော်လည်း အရာရှိများအနေဖြင့် ပြင်ဆင်ရန် အချိန်အနည်းငယ်သာရှိခဲ့ပြီး နောက်ဆုံးမိနစ်တွင် အစီအစဉ်များကို ရေးဆွဲခဲ့ကြောင်း ပြောကြားခဲ့သည်။
       
အဆိုပါကိစ္စနှင့်ပတ်သက်၍ ရှင်းလင်းတင်ပြခံရသူ ဒုတိယမြောက်သတင်းရင်းမြစ်က ထရမ့်ပ်ကို ရန်လိုသူများသည် ခြိမ်းခြောက်မှုကို လုပ်ဆောင်ရန် ရှင်းလင်းတိကျသည့် အစီအစဉ်မူ မရှိခဲ့ဘဲ ရည်ရွယ်ချက်အဆင့်သာရှိကြောင်းနှင့် ထို့ကြောင့် လေယာဉ်များကို ပျံသန်းခွင့်ပြုခဲ့ခြင်းဖြစ်ကြောင်း ပြောကြားခဲ့သည်။
     
သမ္မတလုံခြုံရေးကို တာဝန်ယူထားသည့် လျှို့ဝှက်ထောက်လှမ်းရေး၏ လမ်းညွှန်ချက်အရ လေယာဉ်ပြောင်းလဲခဲ့ကြောင်း အင်္ဂါနေ့တွင် ထရမ့်ပ်က သတင်းထောက်များကို ပြောကြားခဲ့သည်။ သူသည် အန်ကာရာမှ ဗြိတိန်ရှိ လေယာဉ်ဆီဖြည့်စခန်းသို့ ပြဿနာတစ်စုံတရာမရှိဘဲ ပျံသန်းရောက်ရှိခဲ့သည်။
        
ခြိမ်းခြောက်မှုသည် စစ်ရေးစီမံကိန်းရေးဆွဲသူများအတွက် စိုးရိမ်မှုကြီးလာစေသည့် လေယာဉ်အင်ဂျင်ပူများကို ချိန်ရွယ်သော အပူရှာ ဒုံးကျည်အမျိုးအစားသစ်တစ်ခုဖြစ်နိုင်ကြောင်း Mitchell Institute for Aerospace Studies အမှုဆောင်ဒါရိုက်တာ ဒတ်ဂလပ်စ် ဘီရာကီက ပြောကြားခဲ့သည်။ ၎င်းတို့သည် သမားရိုးကျရေဒါလမ်းညွှန်ဒုံးကျည်များထက် ထောက်လှမ်းရန်ခက်ခဲပြီး ထောက်လှမ်းနိုင်သော ရေဒီယိုလှိုင်းများ မထုတ်လွှတ်သောကြောင့် မည်သည့်နေရာမှမဆို ပေါ်လာနိုင်ကြောင်း ၎င်းက ပြောဆိုခဲ့သည်။
      
အီရန်လုပ် SA-67 ဗားရှင်းဒုံးကျည်တွင် ရိုးရှင်းသော ရထားလမ်းမှ ပ-စ်လွှတ်သော စက်တစ်ခုပါရှိပြီး အပူရှာဖွေခြင်းအပြင် လေဆာလမ်းညွှန်စနစ်များကိုပါ အသုံးပြုသည်ဟု ယုံကြည်ရကြောင်း ဘီရာကီက ပြောဆိုသည်။ ပခုံးထမ်း အပူချိန်ရှာလက်နက် 9K333 Verba ကို ရုရှားတွင် ထုတ်လုပ်ကြောင်း ၎င်းက ပြောကြားခဲ့သည်။
     
ထရမ့်ပ်အပါအဝင် အမေရိကန်သမ္မတများသည် လုံခြုံရေးအတွက် စစ်မြေပြင်များ သို့မဟုတ် အန္တရာယ်များသောဒေသများသို့ သွားရောက်သည့်အခါ လျှို့ဝှက်စွာ ခရီးသွားလေ့ရှိသည်။ သို့သော် ထိုခရီးစဉ်များတွင် သမ္မတနှင့်အတူ ခရီးသွားနေသော သတင်းထောက်များအတွက် ကြိုတင်အကြောင်းကြားချက်များ ပါဝင်လေ့ရှိသည်။ သတင်းထောက်အချို့သည် ၂၀၀၃ ခုနှစ် သမ္မတ ဂျော့ချ်ဒဗလျူဘုရှ်၏ ဘဂ္ဂဒက်သို့ ကျေးဇူးတော် ခရီးစဉ်မတိုင်မီ ကြိုတင်သတင်းရရှိခဲ့သည်။ သို့ရာတွင် တက္ကဆပ်စ်ပြည်နယ် ကရောဖို့ဒ်တွင် ဘုရှ်၏ ကျေးဇူးတော်ချီးမွမ်းခြင်း အားလပ်ရက်ကို သတင်းယူနေသော အခြားသတင်းထောက်အဖွဲ့ဝင်များသည်မူ လမ်းလွဲသွားခဲ့ကြသည်။ ဘုရှ်သည် မိသားစုနှင့်အတူ ပွဲတော်နေ့ကို ဖြတ်သန်းနေကြောင်း အသိပေးခံထားရပြီးနောက် အီရန်တွင် သမ္မတ ရုတ်တရက်ပေါ်လာသောအခါ ၎င်းတို့ အံ့အားသင့်ခဲ့ကြရသည်။

Ref: ရိုက်တာ