နေပြည်တော်၊ ဩဂုတ် ၁
မန္တလေး-ရန်ကုန် ခရီးစဉ် ပြေးဆွဲပေးနေသည့် အမှတ် (၆) DEMU လူစီးအမြန်ရထားအား ဧလာနှင့် သာဝတ္ထိဘူတာအကြား၌ ခဲဖြင့် ပ-စ်ပေ-ါက်ခဲ့သူ လူငယ်နှစ်ဦးကို ဖမ်းဆီးရမိထားကြောင်း သိရသည်။
ဇူလိုင် ၃၁ ရက် မွန်းလွဲ ၁၂ နာရီ ၅၆ မိနစ်ခန့်တွင် အမှတ် (၆) အစုန် မန္တလေး-ရန်ကုန် DEMU ရထားသည် ဧလာဘူတာနှင့် သာဝတ္ထိဘူတာအကြား မိုင်တိုင်အမှတ် ၂၁၂/၂၀ နှင့် ၂၁ အကြားသို့ အရောက် ရထားလမ်း အရှေ့ဘက်ခြမ်းမှ ခဲဖြင့် ပ-စ်ပေ-ါက်ခံခဲ့ရခြင်းဖြစ်သည်။
အဆိုပါ ပ-စ်ပေ-ါက်မှုကြောင့် ပထမတန်းတွဲအမှတ် (၄) DEMU(F)1001 နောက်ဆုံးတွဲ၏ ဝဲဘက်အပေါ်ခြမ်း ကိုယ်ထည် ဆေးပွန်းဒ-ဏ်ရာ ရရှိခဲ့ပြီး ခရီးသည်များ ထိခိုက်ဒ-ဏ်ရာရရှိမှု မရှိကြောင်း သိရသည်။
ဖြစ်စဉ်ကြောင့် ရထား ၁၂ မိနစ်ခန့် ကြန့်ကြာမှု ဖြစ်ပေါ်ခဲ့သော်လည်း အခြားရထားများ ထိခိုက်မှုမရှိဘဲ ပုံမှန်အတိုင်း ဆက်လက်ပြေးဆွဲနိုင်ခဲ့သည်။
ဖြစ်စဉ်ဖြစ်ပွားပြီးနောက် ရထားလိုက်လုံခြုံရေး ရဲတပ်ဖွဲ့ဝင်များနှင့် တာဝန်ရှိသူများက သွားရောက်စစ်ဆေးခဲ့ရာ ခဲဖြင့် ပစ်ပေါက်ခဲ့သူ လယ်ဝေးမြို့နယ်၊ ရန်ကင်းကျေးရွာနေ အသက် ၁၅ နှစ်အရွယ် အောင်သက်ဦးနှင့် အသက် ၁၄ နှစ်အရွယ် ပြာသိုတို့နှစ်ဦးကို ဖမ်းဆီးရမိခဲ့သည်။
၎င်းတို့နှစ်ဦးအား ရထားပို့ဆောင်ရေးလုပ်ငန်းဥပဒေနှင့်အညီ အရေးယူနိုင်ရန် သက်ဆိုင်ရာ ဧလာနယ်မြေရဲစခန်းတွင် အမှုဖွင့်လှစ် ဆောင်ရွက်လျက်ရှိသည်။
ရထားပို့ဆောင်ရေးလုပ်ငန်းဥပဒေ အခန်း (၁၈)၊ ပုဒ်မ ၇၉ (ခ) အရ ရထားကို တစ်စုံတစ်ရာဖြင့် ပ-စ်ပေ-ါက်ခြင်း သို့မဟုတ် ထိခိုက်စေရန် ပြုလုပ်ခြင်းများအတွက် ပုဒ်မ ၈၄ အရ အနည်းဆုံး ထောင်ဒ-ဏ် ၅ နှစ်မှ နှစ် ၂၀ အထိ ချမှတ်နိုင်သည့်အပြင် ငွေဒ-ဏ်လည်း ချမှတ်နိုင်ကြောင်း သိရသည်။