အမေရိကန်သမ္မတ ဒေါ်နယ်ထရမ့်ပ်၏ ဖိတ်ကြားချက်အရ တနင်္ဂနွေနေ့တွင် ကျင်းပမည့် ကမ္ဘာ့ဖလား နောက်ဆုံးဗိုလ်လုပွဲကို သူ တက်ရောက်မည်ဖြစ်ကြောင်း မက္ကဆီကိုသမ္မတ ကလော်ဒီယာ ရှိန်းဘွမ်းက ပြောကြားခဲ့သည်။
ရှိန်းဘွမ်းသည် မက္ကဆီကိုစီးတီးတွင် သူ့နိုင်ငံအသင်းက တောင်အာဖရိအသင်းကို ၂-၀ ဖြင့်အနိုင်ရခဲ့သော ကမ္ဘာ့ဖလားအဖွင့်ပွဲစဉ်ကိုမူ တက်ရောက်ခဲ့ခြင်းမရှိဘဲ သူ၏ လက်မှတ်ကို ဌာနေတိုင်းရင်းသား အမျိုးသမီးတစ်ဦးကို ပေးအပ်ခဲ့သည်။
“ဒါက အမေရိကန်ပြည်ထောင်စုရဲ့ သမ္မတက တိုက်ရိုက်ဖိတ်ကြားတာဖြစ်လို့ ကျွန်မသွားဖို့ ဆုံးဖြတ်ခဲ့တာပါ” ဟု ရှိန်းဘွမ်းက မက္ကဆီကို မီဒီယာကို ပြောဆိုသည်။ “ကနေဒါဝန်ကြီးချုပ် မာ့ခ် ကာနေးလည်း အဲဒီမှာရှိနေမှာဖြစ်ပြီး မနက်ဖြန်မှာ အသေးစိတ်အချက်အလက်တွေပါဝင်တဲ့ သတင်းစကားကို ကျွန်မ ဖော်ပြပါမယ်” ဟု ဆိုသည်။
ရှိန်းဘွမ်းနှင့် ထရမ့်ပ်တို့၏ ဆက်ဆံရေးသည် လုံခြုံရေးနှင့် ကုန်သွယ်ရေးအပါအဝင် မတူညီသောနယ်ပယ်များတွင် တင်းမာမှုများရှိနေခဲ့သည်။ ၎င်းတို့၏ နောက်ဆုံးတွေ့ဆုံမှုသည် ဒီဇင်ဘာလတွင် ကျင်းပခဲ့သော ကမ္ဘာ့ဖလားမဲခွဲပွဲတွင် ဖြစ်သည်။
ကမ္ဘာ့ဖလားပြိုင်ပွဲကို မြောက်အမေရိကသုံးနိုင်ငံက ပထမဆုံးအကြိမ်အဖြစ် ပူးတွဲကျင်းပနေခြင်းဖြစ်သည်။ လက်ရှိချန်ပီယံ အာဂျင်တီးနားသည် နူးဂျာစီတွင် ချန်ပီယံဆုအတွက် စပိန်အသင်းနှင့် ယှဉ်ပြိုင်ကစားရမည်ဖြစ်သည်။ ယင်းပွဲစဉ်သို့ ဆဋ္ဌမ မြောက်စပိန်ဘုရင် ဖီးလစ်လည်း တက်ရောက်ဖွယ်ရှိသည်။
Ref: အေပီ