နေပြည်တော်စည်ပင်ဝန်ထမ်းသားသမီး ၅၇ ဦးကို တက္ကသိုလ်ဝင်စာမေးပွဲ ထူးချွန်ဆုများ ချီးမြှင့်

နေပြည်တော်၊ဇူလိုင်-၁၅

၂၀၂၅-၂၀၂၆ ပညာသင်နှစ် တက္ကသိုလ်ဝင်စာမေးပွဲတွင် ထူးချွန်စွာ အောင်မြင်ခဲ့သည့် နေပြည်တော်စည်ပင်သာယာရေးကော်မတီ ဝန်ထမ်းများ၏ သားသမီး ၅၇ ဦးအား ပညာရည်ချွန်ဆုများ ပေးအပ်ချီးမြှင့်သည့်အခမ်းအနားကို ယနေ့ ဇူလိုင် ၁၅ ရက် နံနက်ပိုင်းက နေပြည်တော်မြို့တော်ခန်းမရှိ မင်္ဂလာခန်းမ၌ ကျင်းပခဲ့ကြကြောင်း သိရသည်။

အခမ်းအနားသို့ နေပြည်တော်ကောင်စီဥက္ကဋ္ဌနှင့် မြို့တော်ဝန် ဦးကံမြင့်သန်း၊ ဒုတိယမြို့တော်ဝန်၊ ကော်မတီဝင်များ၊ ဌာနဆိုင်ရာတာဝန်ရှိသူများ၊ဆုရကျောင်းသား၊ ကျောင်းသူများနှင့် မိဘများ တက်ရောက်ခဲ့ကြကြောင်း သိရသည်။

မြို့တော်ဝန် ဦးကံမြင့်သန်းက အမှာစ ကားပြောကြားရာတွင် တက္ကသိုလ်ဝင်စာမေးပွဲ အောင်မြင်မှုသည် ကျောင်းသား၊ ကျောင်းသူများ၏ အနာဂတ်ဘဝအတွက် အရေးပါသည့်ခြေလှမ်းဖြစ် ကြောင်း၊ ပညာရေးအခွင့်အလမ်းများကို အပြည့်အဝအသုံးချကာ စဉ်ဆက်မပြတ်လေ့လာသင်ယူပြီး နိုင်ငံအတွက် အားထားရသည့် ပညာတတ်လူငယ်များ ဖြစ်လာစေရေး ဆက်လက်ကြိုးစားကြရန် တိုက်တွန်းပြောကြားခဲ့သည်။

ထို့နောက် ထူးချွန်ကျောင်းသား၊ ကျောင်းသူများအား ဂုဏ်ပြုမှတ်တမ်းလွှာနှင့် ဂုဏ်ပြုဆုငွေများ ပေးအပ်ချီးမြှင့်ခဲ့သည်။

ယခုနှစ်တွင် နေပြည်တော်စည်ပင်သာယာရေးကော်မတီ ဝန်ထမ်းများ၏ သား သမီးများအနက် ခြောက်ဘာသာဂုဏ်ထူးရှင် ၁ ဦး၊ ငါးဘာသာဂုဏ်ထူးရှင် ၄ ဦး၊ လေးဘာသာဂုဏ်ထူးရှင် ၄ ဦး၊ သုံးဘာသာဂုဏ်ထူးရှင် ၁ ဦး၊ နှစ်ဘာသာဂုဏ် ထူးရှင် ၅ ဦး၊ တစ်ဘာသာဂုဏ်ထူးရှင် ၈ ဦးနှင့် ရိုးရိုးအောင်မြင်သူ ၃၄ ဦး စုစု ပေါင်း ၅၇ ဦးရှိခဲ့ကြောင်း သိရသည်။

ဆုချီးမြှင့်ရာတွင် ဂုဏ်ထူးတစ်ဘာသာလျှင် ငွေကျပ် ၁သိန်းနှုန်းနှင့် ရိုးရိုးအောင် မြင်သူတစ်ဦးလျှင် ငွေကျပ် ၅ သောင်းနှုန်းဖြင့် ဂုဏ်ပြုဆုငွေများ ပေးအပ်ချီးမြှင့်ခဲ့ကြောင်း သိရသည်။