မွန်ပြည်နယ်၊ ဘီးလင်းမြို့နယ်တွင် မိုးအဆက်မပြတ်ရွာသွန်းပြီး ဘီးလင်းမြစ်ရေမြင့်တက်လာမှုကြောင့် ရပ် ကွက်(၄)ခုနှင့် ကျေးရွာအုပ်စု(၂)စုမှ မြေနိမ့်ပိုင်းနေရာရှိ နေအိမ်များ၌ ရေဝင်ရောက်မှုများဖြစ်ပေါ်လျက်ရှိကြောင်း သိရသည်။
အဆိုပါ ရပ်ကွက်/ကျေးရွာအုပ်စု(၆)ခုမှ ရေဘေးသင့်အိမ်ထောင်စု(၄၂၇)စုမှ လူဦးရေ(၁,၆၂၆)ဦးတို့ကို လုံ ခြုံရေးအဖွဲ့ဝင်များ၊ ရဲတပ်ဖွဲ့ဝင်များ၊ မီးသတ်တပ်ဖွဲ့ဝင်များ၊ အရန်မီးသတ်တပ်ဖွဲ့ဝင်များ၊ ကြက်ခြေနီအဖွဲ့ဝင်များနှင့် လူမှုကူညီရေးအသင်းဝင်များက ယာယီရေ ဘေးကယ်ဆယ်ရေးစခန်း(၉)ခုသို့ ရွှေ့ပြောင်းနေရာချ ထားပေးခဲ့ကြကြောင်း သိရသည်။
ထို့ပြင် ရေဘေးသင့်သူများအတွက် ဆန်၊ ရေသန့်၊ ကြက်ဥ၊ မုန့်ခြောက်နှင့် ခေါက်ဆွဲခြောက်များပေးအပ်ကူညီနိုင်ရေးတို့ကိုလည်း သက်ဆိုင်ရာ တာဝန်ရှိသူများက စီစဉ်ဆောင်ရွက်ပေးလျက်ရှိကြောင်း သိရသည်။
ဘီးလင်းမြစ်ရေသည် ယနေ့ ဇူလိုင် ၁၂ ရက်မွန်းလွဲပိုင်းတွင် မြို့၏စိုးရိမ်ရေမှတ်အထက်(၁၀၂၉)စင်တီမီတာသို့ကျော်လွန်ရောက်ရှိနေကြောင်း သိရသည်။