ရန်ကုန်လျှပ်စစ်ဓာတ်အားပေးရေးကော်ပိုရေးရှင်း ဥက္ကဋ္ဌသည် ရုံးချုပ်နှင့် ခရိုင်တို့မှ တာဝန်ရှိသူများနှင့်အတူ ဇူလိုင်လ (၄) ရက်နေ့က ရှောင်တခင် ကွင်းဆင်းစစ်ဆေးခဲ့ခြင်း ဖြစ်သည်။
မှော်ဘီမြို့နယ်အတွင်း လျှပ်စစ်ဓာတ်အား ဖြန့်ဖြူးပေးမှု၊ မီတာဖတ်ရှုမှုနှင့် ဓာတ်အားလေလွင့်ပျေ-ာက်ဆုံးမှု လျှော့ချရေး ဆောင်ရွက်မှုအခြေအနေများကို ကွင်းဆင်းစစ်ဆေးခဲ့ခြင်းလည်း ဖြစ်သည်။
ထိုသို့ကွင်းဆင်းစစ်ဆေးရာတွင် အဓိကကဏ္ဍတစ်ခုအနေဖြင့် ဓာတ်အားလေလွင့်ပျေ-ာက်ဆုံးမှု များပြားနေသည့် (၃၃) ကေဗီ မြောင်းတကာ – မှော်ဘီ ဓာတ်အားလိုင်းပေါ်ရှိ ဓာတ်အားသုံးစွဲမှုများသော စက်မှုလုပ်ငန်းများ၏ မီတာများကို ရှောင်တခင် သွားရောက်စစ်ဆေးခြင်းကို ထည့်သွင်းဆောင်ရွက်ခဲ့သည်။
ထို့အပြင် အဆိုပါ ဓာတ်အားလိုင်းတစ်လျှောက် ပျောက်ဆုံးမှုနှုန်းများကို ခွဲခြားသိရှိနိုင်ရန်အတွက် (၃၃) ကေဗီ Check Meter (၂) လုံးကို အမြန်ဆုံး တပ်ဆင်သွားရန်နှင့် တရားမဝင် ဓာတ်အားသုံးစွဲမှုများကို စောင့်ကြပ်ထိန်းချုပ်သွားရန် မှာကြား ဆောင်ရွက်ခဲ့ကြောင်း သိရသည်။
ခရီးစဉ်အတွင်း ရန်ကုန်လျှပ်စစ်ဓာတ်အားပေးရေးကော်ပိုရေးရှင်း ဥက္ကဋ္ဌနှင့် အဖွဲ့သည် မှော်ဘီမြို့နယ် လျှပ်စစ်မန်နေဂျာရုံး၊ မြို့နယ်အတွင်းရှိ ဓာတ်အားဖြန့်ဖြူးရေး ထရန်စဖော်မာများနှင့် ရပ်ကွက်များအတွင်း ဓာတ်အားဖြန့်ဖြူးမှု အခြေအနေများကို လှည့်လည်စစ်ဆေးခဲ့သည့်အပြင် (၃၃/၁၁) ကေဗီ (၂၀) အမ်ဗီအေ အုတ်စက်ဓာတ်အားခွဲရုံသို့လည်း သွားရောက်ကာ ဖီဒါအလိုက် ဓာတ်အားဖြန့်ဖြူးမှု၊ လေလွင့်ဆုံးရှုံးမှုနှင့် မီတာဖတ်မှတ်တမ်း ရေးသွင်းမှု အခြေအနေများကိုပါ ကြည့်ရှုစစ်ဆေးခဲ့ကြောင်း သိရသည်။
