JLPT Test Management Centre တွင်လာရောက်ထုတ်ယူနိုင်ကြောင်း အသိပေး
မြန်မာနိုင်ငံ ဂျပန်ပြန်ပညာဟောင်းများအသင်း (MAJA) က ၂၀၂၆ ခုနှစ်၊ ဇူလိုင်လ (၅) ရက်နေ့တွင် ကျင်းပခဲ့သည့် JLPT စာမေးပွဲနေ့၌ ကောက်ခံရရှိထားသော မှတ်ပုံတင်များကို ကာယကံရှင်များအနေဖြင့် သင်္ဃန်းကျွန်းမြို့နယ်ရှိ JLPT Test Management Centre တွင် လာရောက်ထုတ်ယူနိုင်ကြောင်း ယနေ့ သတင်းထုတ်ပြန်ထားသည်။
အဆိုပါ မေ့ကျန်ရစ်ခဲ့သည့် မှတ်ပုံတင်များကို BSG-2 စာဖြေဌာနအတွင်းမှ တစ်ခု၊ YUOE-1 စာဖြေဌာန ကျောင်းအပြင်ဘက်မှ တစ်ခု၊ BKMY-1 စာဖြေဌာန (M1F-5) အခန်းမှ တစ်ခုနှင့် DGU-2 စာဖြေဌာနအတွင်းမှ တစ်ခု စုစုပေါင်း မှတ်ပုံတင် (၄) ခုကို သိမ်းဆည်းရမိထားခြင်း ဖြစ်သည်။
ပိုင်ရှင်များအနေဖြင့် အမှတ် ၂ဘီ-၃၊ နိုင်ငံ့ဥယျာဉ်အိမ်ရာ၊ သုမင်္ဂလာလမ်း၊ သင်္ဃန်းကျွန်းမြို့နယ်ရှိ JLPT Test Management Centre သို့ လူကိုယ်တိုင် လာရောက်ဆက်သွယ် ထုတ်ယူနိုင်ကြောင်း သိရသည်။
ထို့ပြင် ထီး၊ မျက်မှန်ဘူး၊ အနွေးထည်၊ အိတ် ကျန်ရစ်ခဲ့သူများလည်းရှိပြီး ပြန်လည်လာရောက်ထုတ်ယူနိုင်ကြောင်း အသိပေးထားသည်။