အမျိုးသား/အမျိုးသမီး ဝိတ်တန်းအလိုက် (၇)ဆိုင်းပါဝင်ယှဉ်ပြိုင်
မြန်မာနိုင်ငံအိုလံပစ်ကော်မတီ၊ အားက စားနှင့် ကာယပညာဦးစီးဌာနနှင့် မြန်မာနိုင်ငံလက်ဝှေ့အဖွဲ့ချုပ်တို့ ပူးပေါင်းကျင်းပသည့် ၂၀၂၆ ခုနှစ် အိုလံပစ်နေ့ အထိမ်းအမှတ် လက်ဝှေ့ပြိုင်ပွဲ ဖွင့်ပွဲ၊ ပိတ်ပွဲနှင့် ဆုချီးမြှင့်ခြင်းအခမ်းအနားကို ယမန်နေ့ ဇူလိုင် ၄ ရက်က ရန်ကုန်မြို့ သင်္ဃန်းကျွန်းမြို့နယ်ရှိ သုဝဏ္ဏ မြန်မာနိုင်ငံလက်ဝှေ့အဖွဲ့ချုပ် လူငယ်လေ့ကျင့်ရေးစခန်း၌ အောင်မြင်စွာ ကျင်းပခဲ့ကြောင်း သိရသည်။
ပြိုင်ပွဲကို မြန်မာ့လက်ဝှေ့အားကစား ဖွံ့ ဖြိုးတိုးတက်ရေးနှင့် မျိုးဆက်သစ် လက်ဝှေ့အားကစားသမားများ ပေါ်ထွက်လာစေရန် ရည်ရွယ်ကျင်းပခြင်းဖြစ်ပြီး အမျိုးသမီးဝိတ်တန်း (၂) ပွဲနှင့် အမျိုးသားဝိတ်တန်း (၅)ပွဲ စုစုပေါင်း (၇) ပွဲ ယှဉ်ပြိုင်ထိုးသ-တ်ခဲ့ကြသည်။
အမျိုးသမီး (၅၁ ကီလို) ဝိတ်တန်းတွင် ပြည့်ပြည့်စုံနှင့် သီရိဇင်၊ အမျိုးသမီး (၅၄ ကီလို) ဝိတ်တန်းတွင် ဟန်နီသိမ့်နှင့် ချစ်သဲဦးတို့ ယှဉ်ပြိုင်ခဲ့ကြသည်။
အမျိုးသားပွဲစဉ်များတွင် (၅၄ ကီလို) ဝိတ်တန်း၌ ဇဖဲထန်နှင့် ထက်နိုင်အောင်၊ (၅၇ ကီလို) ဝိတ်တန်း၌ ကျော်ဇောလှိုင်နှင့် မင်းခန့်ကျော်၊ (၆၀ ကီလို) ဝိတ်တန်း၌ သီဟနှင့် ဒီပ၊ (၆၃ ဒသမ ၅ ကီ လို) ဝိတ်တန်း၌ ဂင့်ရှန်းမွောင်နှင့် သူရအောင်၊ (၇၁ ကီလို) ဝိတ်တန်း၌ ချစ်လင်းဇော်နှင့် မြတ်ဘုန်းလျှံတို့ အသီးသီး ယှဉ်ပြိုင်ထိုးသတ်ခဲ့ကြသည်။
ပြိုင်ပွဲအပြီးတွင် ဝိတ်တန်းအလိုက် အနိုင်ရရှိခဲ့သည့် အားကစားသမားများအား တာဝန်ရှိသူများက ဂုဏ်ပြုဆုတံဆိပ်များနှင့် ဆုငွေများ ပေးအပ်ချီးမြှင့်ခဲ့ကြောင်း သိရသည်။