မြန်မာနိုင်ငံဘောလုံးအဖွဲ့ချုပ်က ကြီးမှူးကျင်းပမည့် MFF Royal-D U15 League (Mandalay Zone) ပြိုင်ပွဲတွင် ဝင်ရောက်ယှဉ်ပြိုင်မည့် ခြေစစ်ပွဲဝင် အသင်းများအတွက် ကစားသမား အသက်စစ်ဆေးခြင်းနှင့် လူတွေ့မှတ်ပုံတင်ခြင်း လုပ်ငန်း စဉ်များကို မန္တလေးဘောလုံးအကယ် ဒမီ၌ ပြုလုပ်ခဲ့ကြောင်းသိရသည်။
ထိုသို့ ဆောင်ရွက်ရာ၌ Electronic ID စနစ်ကို အသုံးပြု၍ Eye Scan ဖတ်ခြင်း၊ ကစားသမားများ၏ လက်ဗွေပုံစံ (Fing erprint)အား Biometric Registration System စနစ်ဖြင့် လူမှန်၊ မမှန် မှတ်တမ်းယူခြင်းနှင့် Smart Card များ တိုက်ဆိုင်စစ်ဆေးခြင်းတို့ကို ပြုလုပ်ခဲ့သည်ဟု သိရသည်။
၎င်းအပြင် မှတ်ပုံတင်၊ သန်းခေါင်စာရင်း၊ မွေးစာရင်းများကို သေချာစွာ တိုက်ဆိုင်စစ်ဆေးခြင်းနှင့် ဆေးစစ်မှုများကိုပါ ပူးတွဲလုပ်ဆောင်ခဲ့ကြောင်းသိရသည်။
ယခုနှစ် မန္တလေးဇုန် ခြေစစ်ပွဲတွင် ဝင်ရောက်ယှဉ်ပြိုင်ကြမည့်အသင်း (၄) သင်းမှ ကစားသမားများကို အသက်ကျော်ကစားသမားများ ပါဝင်မှုမရှိစေရန်အတွက် လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာန (လဝက) မှ တာ ဝန်ရှိသူများနှင့် ပူးပေါင်းကာ အထောက် အထားများကို တိကျစွာ စစ်ဆေးခဲ့ကြခြင်းလည်းဖြစ်သည်။