အာရှဘောလုံးအဖွဲ့ချုပ် (AFC)၏ ပြိုင်ပွဲကျင်းပရေး တာ ဝန်ရှိသူ Mr. Brian See Mei Chiat ကိုယ်တိုင် လေ့ကျင့်သင်ကြားပေးခြင်းဖြစ်
မြန်မာ့ဘောလုံးပြိုင်ပွဲများကို နိုင်ငံတကာစံနှုန်းနှင့်အညီ စနစ်တကျ ကြီးကြပ်ကွပ် ကဲနိုင်မည့် ပြိုင်ပွဲကြီးကြပ်သူများ ပိုမိုထွက်ပေါ်လာစေရန် ရည်ရွယ်ဖွင့်လှစ်ခဲ့သော AFC-MFF MC Seminar and LOC Workshop မှာ ယနေ့ ဇွန် (၁၃)ညနေပိုင်းတွင် အောင်မြင်စွာ ပြီးစီးသွားခဲ့ကြောင်း သိရသည်။
မြန်မာနိုင်ငံ ဘောလုံးအဖွဲ့ချုပ် (MFF) မှ ကြီးမှူးဖွင့်လှစ်ခဲ့သည့် အဆိုပါသင်တန်းကို ရန်ကုန်မြို့၊ သုဝဏ္ဏဘောလုံးကွင်း သတင်းစာရှင်းလင်းပွဲခန်းမ၌ ဇွန်လ (၁၂ )ရက်မှ (၁၃) ရက်အထိ (၂) ရက် ကြာ စာတွေ့၊ လက်တွေ့ စနစ်တကျ သင်ကြားပို့ချခဲ့ခြင်း ဖြစ်ကြောင်း သိရသည်။
အဆိုပါ သင်တန်းကို အာရှဘောလုံးအဖွဲ့ချုပ် (AFC)၏ ပြိုင်ပွဲကျင်းပရေး တာ ဝန်ရှိသူ Mr. Brian See Mei Chiat ကိုယ်တိုင် ရန်ကုန်မြို့သို့ လာရောက်ကာ အနီးကပ် လေ့ကျင့်သင်ကြားပေးခဲ့ခြင်ဖြစ်ကြောင်း သိရသည်။
သင်တန်းသို့ အနာဂတ် ပြည်တွင်း/ပြည်ပ ဘောလုံးပွဲစဉ်များကို တာဝန်ယူမည့် သင် တန်းသား/သူ စုစုပေါင်း (၄၆) ဦး တက်ရောက်အောင်မြင်ခဲ့ကြောင်း သိရသည်။
အဆိုပါ သင်တန်းဆင်းပွဲတွင် အာရှဘောလုံးအဖွဲ့ချုပ် (AFC)၊ မြန်မာနိုင်ငံဘောလုံးအဖွဲ့ချုပ် (MFF) နှင့် မြန်မာနေရှင်နယ်လိဂ် (MNL) တို့မှ တာဝန်ရှိသူများက သင်တန်းသားများကို ဂုဏ်ပြုမှတ် တမ်းလွှာ များ အသီးသီးပေးအပ်ချီးမြှင့်ခဲ့ကြကြောင်း သိရသည်။
ယခုကဲ့သို့ သင်တန်းများ ပို့ချပေးနိုင်ခဲ့ခြင်းကြောင့် နောင်တွင်ကျင်းပမည့် ဘောလုံးပွဲစဉ်များတွင် ပိုမိုစနစ်ကျပြီး အဆင့်အတန်းရှိသည့် ပြိုင်ပွဲကြီးကြပ်သူများကို မြင်တွေ့ရတော့မည်ဖြစ်ကာ မြန်မာ့ဘောလုံးလောက၏လူ့စွမ်းအားအ ရင်းအမြစ် ဖွံ့ဖြိုးတိုးတက်ရေးလာနိုင်မည်ဖြစ်ကြောင်းသိရသည်။