မုံရွာမြို့နယ်၌ အခြေခံပညာစာသင်ကျောင်း(၁၀၁) ကျောင်းအပြင် ကိုယ်ပိုင်ကျောင်းနှင့် ဘုန်းတော်ကြီးသင်ကျောင်းများဖွင့်လှစ်မည်

ရန်ကုန်တိုင်း၊ ကွမ်းခြံကုန်းမြို့ကိုဗဟိုပြု၍ ယနေ့ မေ ၂၆ ရက်ညပိုင်းက အင်အားအနည်းငယ်ရှိသောငလျင်တစ်ခုလှုပ်ခတ်ခဲ့ကြောင်း မိုးဇလထံမှ သိရသည်။ ကွမ်ခြံကုန်းမြို့၏ တောင်-အရှေ့တောင်ဘက်(၃၆)မိုင်ခန့်အကွာ၊ အနက်(၁၁)ကီလိုမီတာကိုဗဟိုပြု၍ မဂ္ဂနီကျူ့(၃ ဒသမ ၃)အဆင့်ရှိ အင်အားအနည်းငယ်ရှိသောငလျင်သည် ည ၇ နာရီ ၄၈ မိနစ် ၃၃ စက္ကန့်ကလှုပ်ခတ်ခဲ့ကြောင်းကို ကမ္ဘာအေးမြေငလျင်စခန်းကတိုင်းထွာရရှိခဲ့ကြောင်း သိရသည်။

တတိယအကြိမ် ရန်ကုန်တိုင်းဒေသကြီးလွှတ်တော်၏ ဒုတိယပုံမှန်အစည်းအဝေးကို လာမည့် ဇွန် ၉ ရက်နံနက် ၁၀ နာရီတွင်ကျင်းပမည်ဟု ရန်ကုန်တိုင်းဒေသကြီးလွှတ်တော်ဥက္ကဋ္ဌဦးဌေးအောင်က လက်မှတ်ရေးထိုး၍ ကြေညာချက်အမှတ်(၁/၂၀၂၆)ဖြင့် ထုတ်ပြန်ခဲ့သည်။ ဖွဲ့စည်းပုံအခြေခံဥပဒေပုဒ်မ ၁၇၄ နှင့် ၂၀၁၃ ခုနှစ်၊ တိုင်းဒေသကြီး(သို့)ပြည်နယ်လွှတ်တော်ဆိုင်ရာဥပဒေပုဒ်မ ၃၀ တို့အရ တတိယအကြိမ် ရန်ကုန်တိုင်းဒေသကြီးလွှတ်တော် ဒုတိယပုံမှန်အစည်းအဝေးကျင်းပရန် ထုတ်ပြန်ခဲ့ခြင်းဖြစ်သည်။ လက်ရှိအချိန်၌ ရန်ကုန်တိုင်းဒေသကြီးလွှတ်တော်တွင်ဖွဲ့စည်းခဲ့သည့် ကော်မတီအသီးသီးက သက်ဆိုင်ရာ ကော်မတီအလိုက်အစည်းအဝေးများပြုလုပ်လျက်ရှိသည်။

၂၀၂၆-၂၀၂၇ ပညာသင်နှစ်၌ ပဲခူးတိုင်းအတွင်းရှိ အခြေခံပညာစာသင်ကျောင်း(၄,၆၇၁)ကျောင်းကိုဖွင့်လှစ်သင်ကြားသွားမည်ဖြစ်ကြောင်း သိရသည်။ အစိုးရကျောင်းအနေဖြင့် အခြေခံပညာအထက်တန်း ကျောင်း(၅၀၀)ကျောင်း၊ အလယ်တန်းကျောင်း (၂,၁၅၉)ကျောင်း၊ မူလတန်းကျောင်း(၁,၈၂၃)ကျောင်း၊ ဘုန်းတော်ကြီးသင်ပညာရေးကျောင်းအနေဖြင့် အခြေ ခံပညာအလယ်တန်းကျောင်း(၆၇)ကျောင်း၊ မူလတန်းကျောင်း(၅)ကျောင်း၊ ပုဂ္ဂလိကကျောင်းအနေဖြင့် အ ခြေခံပညာအထက်တန်းကျောင်း(၈၇)ကျောင်း၊ အ လယ်တန်း(၁၆)ကျောင်းနှင့် မူလတန်း(၁၄)ကျောင်းတို့ ဖွင့်လှစ်သင်ကြားသွားမည်ဖြစ်ကြောင်း သိရသည်။ အဆိုပါ အခြေခံပညာကျောင်းများ၏ ၂၀၂၆-၂၀၂၇ ပညာသင်နှစ် ကျောင်းအပ်နှံရေးနေ့အခမ်းအနားကို ယနေ့ မေ ၂၆ ရက်နံနက်ပိုင်းကကျင်းပရာ ပဲခူးတိုင်းဝန် ကြီးချုပ်ဦးမျိုးဆွေဝင်းနှင့် ဇနီးတို့တက်ရောက်ခဲ့ကြကြောင်း သိရသည်။ တိုင်းဝန်ကြီးချုပ်က ကျောင်းအပ်နှံပေးခြင်းသည် သား သမီးများ၏ ဘဝတစ်သက်တာအတွက် အကောင်းဆုံးလက်ဆောင်တစ်ခုပေးခြင်းဖြစ်ပြီး...