လာမည့် မေလ (၂၈)ရက်၊ ကြာသပတေးနေ့ သည် အစ္စလာမ်ဘာသာဝင်တို့၏ နေ့ထူးနေ့မြတ်ဖြစ်သော ‘အိဒွလ်အဒွိဟာ’ (ကုရ်ဘာနီအီးဒ်) နေ့ဖြစ်ကြောင်း မြန်မာနိုင်ငံလုံးဆိုင်ရာ မော်လဝီအဖွဲ့ချုပ် (ဗဟို)က အတည်ပြု ဆုံးဖြတ်ချက်တစ်ရပ်ကို ထုတ်ပြန်ထားသည်။
ပြီးခဲ့သည့် မေလ ၁၇ ရက် (တနင်္ဂနွေနေ့) ညနေ နေဝင်ချိန်တွင် ဟစ်ဂျရီ ၁၄၄၇ ခုနှစ်၊ ‘ဇုလ်ကအ်ဒဟ်’ လ၏ (၂၉) ရက်မြောက်နေ့အဖြစ် မြန်မာနိုင်ငံတစ်ဝန်းလုံး၌ ‘ဇုလ်ဟဂ်ျဂျဟ်’ လဆန်းဦး ‘လ’ ကို ကြည့်ရှုခဲ့ကြသော်လည်း လမြင်တွေ့ခဲ့ရခြင်း မရှိကြောင်း ခိုင်လုံသော သတင်းများအရ အတည်ပြုနိုင်ခဲ့ကြောင်း၊ သို့ဖြစ်ပါ၍ ခရစ် သက္ကရာဇ် ၂ဝ၂၆ ခုနှစ်၊ မေလ (၁၈)ရက်၊ တနင်္လာနေ့ သည် ဇွလ်ကအ်ဒဟ်လ(၃၀)ရက်နေ့ဖြစ်ပြီး ခရစ်သက္ကရာဇ် ၂ဝ၂၆ ခုနှစ်၊ မေလ (၁၉)ရက်နေ့ သည် ဟိဂျ်ရီ ၁၄၄၇ ခု၊ ဇွလ်ဟဂျ်လ(၁)ရက်နေ့ ဖြစ်ကြောင်း နှင့် မေလ (၂၈)ရက်၊ ကြာသပတေးနေ့ သည် (အိဒွလ်အဒွိဟာ နေ့မြတ်)ဖြစ်ကြောင်း ယင်းအတည်ပြု ဆုံးဖြတ်ချက်တွင် ဖော်ပြထားသည်။
