မြန်မာအသင်းဟာ အုပ်စုတွင်း ရှုံးပွဲနှစ်ပွဲ ကြုံတွေ့ထားရပေမယ့် အရှေ့တောင်အာရှပြိုင်ဘက်ဟောင်း ဗီယက်နမ်အ သင်းနဲ့ ဒီကနေ့ မေ (၇)ရက် ညနေ (၄) နာ ရီအချိန်မှာ ဂုဏ်သိက္ခာပိုင်းအရရော၊ ရ လဒ်ပိုင်းအရပါ အရေးကြီးတဲ့ ပွဲစဉ်ကို ရင်ဆိုင်ယှဉ်ပြိုင်ကစားသွားရတော့မှာ ဖြစ်ပါတယ်။
မြန်မာအသင်းအနေနဲ့ ကွာတားဖိုင်နယ် တက်ရောက်ဖို့ မျှော်လင့်ချက် နည်းပါးနေပြီ ဖြစ်ပေမဲ့၊ ဒီနေ့ပွဲစဉ်မှာ အနိုင်ရရှိခဲ့ရင် “အကောင်းဆုံး အုပ်စုတတိယ” နေရာကို ရယူနိုင်မယ့် အခွင့်အရေး ရှိနေပါတယ်။
ဗီယက်နမ်နဲ့ မြန်မာဟာ ဒေသတွင်းမှာ အ မြဲတမ်း ပြိုင်ဘက်တွေဖြစ်တာကြောင့် ယူ-၁၇ အဆင့်မှာ ဘယ်သူက ပိုသာသလဲဆိုတာကို သက်သေပြရမယ့် ပွဲတစ်ပွဲလည်း ဖြစ်ပါတယ်။
မြန်မာအသင်းအနေနဲ့ အုပ်စုအဖွင့်ပွဲနဲ့ ထိုင်းအသင်းနဲ့ပွဲတွေမှာ ရှုံးနိမ့်ထားတဲ့ ရလဒ်တွေကို ဒီပွဲမှာ အနိုင်ရလဒ်နဲ့ အစား ထိုးပြီး ပရိသတ်တွေကို ပြန်လည်ကျေနပ်အောင် လုပ်ပေးရမယ့် တာဝန်ရှိလည်းနေပါတယ်။
မြန်မာအသင်းအနေနဲ့ ထိုင်းနဲ့ပွဲမှာ ဂိုးရဖို့ ရုန်းကန်ခဲ့ရတာကြောင့် ဗီယက်နမ်နဲ့ပွဲမှာတော့ တိုက်စစ်ပိုင်း အဆုံးသတ်သေချာဖို့ နဲ့ ခံစစ်အမှားနည်းဖို့ အထူးလိုအပ်နေပါတယ်။
ဗီယက်နမ်ဟာလည်း အာရှအဆင့်မှာ ခြေစွမ်းတက်နေတဲ့ အသင်းဖြစ်လို့ မြန်မာအမျိုးသမီးငယ်လေးတွေ အစွမ်းကုန် ကြိုးစားကစားရမှာ သေချာပါတယ်။
