မကွေးတိုင်းအတွင်းရှိ စိုက်ပျိုးမြေများ၌ စိုက်ပျိုးရေရရှိရေးအတွက် ၂၀၂၆-၂၀၂၇ ဘဏ္ဍာရေးနှစ်တွင် ပြည်ထောင်စုငွေလုံးငွေလုံးငွေရင်းရန်ပုံငွေဖြင့် ဆိုလာရေ တင်စီမံကိန်းအသစ်များကိုဖော်ဆောင်လျက်ရှိသည်။
အကျိုးပြုနိုင်မည့်ဧက (၆၀၀) အတွက် ပွင့်ဖြူမြို့နယ်ရှိ လှည်းကြီးရိုးမှ ဆိုလာစနစ်ဖြင့်ဆောင်ရွက်မည့် ကြေးချေ၊ ဆူးပန်း၊ သုံးထောင့်ဆိုလာရေတင်စီမံကိန်း (၃) ခု၊ အကျိုးပြုမည့်ဧက (၄,၂၀၀) ကို စိုက်ပျိုးရေပေးဝေရန် ဧရာဝတီမြစ်မှ ဆိုလာစနစ်ဖြင့်ရေတင်မည့် လျှပ်စစ်မြစ်ရေတင်စီမံကိန်းများဖြစ်သော မင်းဘူး (စကု) မြို့နယ်ရှိ ပိုက်သင်ဆိုလာရေတင်၊ ဆင်ပေါင်ဝဲမြို့နယ်ရှိ လက်ပံငူဆိုလာရေတင်နှင့် မကွေးမြို့နယ်ရှိ ပဌနဂိုရ်ဆိုလာရေတင်စီမံကိန်းများကိုဖော်ဆောင်လျက်ရှိသည်။
ထိုသို့ ဖော်ဆောင်နေမှုများကို ဧပြီ ၃၀ ရက်နှင့် မေ ၁ ရက်တို့၌ တာဝန်ရှိသူများကကြည့်ရှုစစ်ဆေးပြီး လုပ်ငန်းများအားလုံး သတ်မှတ်ဒီဇိုင်းပုံစံများအတိုင်း အရည်အသွေး၊ စံချိန်စံညွှန်းပြည့်မှီစွာဖြင့် အချိန်မီပြီးစီးအောင်ဆောင်ရွက်ရန်နှင့် သက်ဆိုင်ရာနယ်မြေများအလိုက် တောင်သူများအတွက် စိုက်ပျိုးရေအပြည့်အဝ ပေးဝေနိုင်အောင်ဆောင်ရွက်ရန်မှာကြားခဲ့ကြသည်။
