ပြီးခဲ့သည့် ၂၀၂၅-၂၀၂၆ ဘဏ္ဍာရေးနှစ်အတွင်း ပြည်ပသို့ ရော်ဘာတန်ချိန် (၃)သိန်းခန့် တင်ပို့နိုင်ခဲ့ပြီး အမေရိကန်ဒေါ်လာ သန်း(၄၀၀)ကျော် ရရှိခဲ့ကြောင်းမြန်မာနိုင်ငံရော်ဘာစိုက်ပျိုး ထုတ်လုပ်ရောင်းချသူများအသင်းမှ သိရသည်။
အဆိုပါရော်ဘာ တန်ချိန် (၃) သိန်းခန့်ကို တရုတ် ၊ မလေးရှား ၊ အင်ဒိုနီးရှား ၊ ထိုင်ဝမ် ၊ စင်္ကာပူ ၊ အိန္ဒိယ ၊ ဂျပန် နိုင်ငံများသို့တင်ပို့ခဲ့ခြင်းဖြစ်သည်။
မြန်မာနိုင်ငံတွင် ရော်ဘာစိုက်ပျိုးဧက ၁၆၄၀၀၀၀ ရှိပြီး အမှန်တကယ်အစေးခြစ်ထုတ်ယူနေသည့် ဧကမှာ ရှစ်သိန်းခွဲခန့်ရှိကြောင်း သိရသည်။
ရော်ဘာစိုက်ပျိုးသော ဒေသများသည် ရခိုင်ပြည်နယ် ၊ မွန်ပြည်နယ် ၊ ကရင်ပြည်နယ် ၊ ရှမ်းပြည်နယ် ၊ ကချင်ပြည်နယ် ၊ တနင်္သာရီတိုင်းဒေသကြီး ၊ ပဲခူးတိုင်းဒေသကြီး ၊ ဧရာဝတီတိုင်းဒေသကြီး ၊ ရန်ကုန်တိုင်းဒေသကြီး ၊ စစ်ကိုင်းတိုင်းဒေသကြီး (အထက်ပိုင်း) တို့ဖြစ်ကြောင်း သိရသည်။