ခမာနှစ်သစ်တွင်စည်းကမ်းမဲ့အမှိုက်စွန့်ပစ်မှုဆန့်ကျင်ရေးလှုပ်ရှားမှုပြုလုပ်

ကမ္ဘောဒီးယားနိုင်ငံတစ်ဝန်းတွင် အရပ်ဘက်လူမှုအဖွဲ့ အစည်းများ၊ အနုပညာရှင်များနှင့် လူငယ်များ သည် ကမ္ဘောဒီးယား နှစ်သစ်ကူးပွဲတော်အတွင်း အမှိုက်ပစ်ခြင်း အန္တရာယ်ကို ပြည်သူများ သိရှိနားလည်မှု တိုးမြင့်လာစေရန် စည်းကမ်းမဲ့ အမှိုက် စွန့်ခြင်းကို ဆန့်ကျင်သည့် လှုံ့ဆော်မှုများကို ပြုလုပ်ခဲ့ကြသည်။

ရုပ်ရှင်သရုပ်ဆောင်များ၊ မင်းသားမင်းသမီးများနှင့် ဆိုရှယ်မီဒီယာ အပေါ်ဩဇာလွှမ်းမိုးမှုရှိသူများသည် သန့်ရှင်းသပ်ရပ်သော အများပြည်သူဆိုင်ရာနေရာများကို ကြော်ငြာရန် ပြည်နယ်အများ အပြားရှိ ကျောင်းသားများနှင့် ပူးပေါင်းကာ ပွဲလမ်းသဘင်လာရောက်သူများကို အမှိုက်များကို တာဝန်သိစွာ စွန့်ပစ်ရန် တိုက်တွန်းထားသည်။

လှုပ်ရှားမှုများတွင် အများသူငှာ ဝန်ဆောင်မှုပေး သည့် မက်ဆေ့ချ်များ၊ ရပ်ရွာသန့်ရှင်းရေး နှင့် လူသွားလူလာများသော အားလပ်ရက်များတွင် လူငယ်များက ဦးဆောင်ကာ အသိပညာပေးခဲ့ကြသည်။ ၎င်းလှုပ်ရှားမှုသည် သဘာဝပတ်ဝန်းကျင် ကာကွယ်ရေးနှင့် ကျန်းမာရေး၊ ခရီးသွားလာရေး နှင့် ဂေဟစနစ်များအပေါ် ညစ်ညမ်းမှု၏ ရေရှည်အ ကျိုးသက်ရောက်မှုကို ကမ္ဘောဒီးယား လူငယ်များကို နားလည် သဘောပေါက်လာစေရန် အလေးပေး ပြောကြားခဲ့ကြသည်။

ဝန်ကြီးဌာနသည် မကြာသေးမီနှစ်များအတွင်း အသိ ပညာပေးလှုပ်ရှားမှုများကို အရှိန်အဟုန်မြှင့်လုပ် ဆောင်ခဲ့ပြီး ပလတ်စတစ်အမှိုက်လျှော့ချရေးနှင့် အများပြည်သူဆိုင်ရာနေရာများတွင် တာဝန်သိသောအပြုအမူများကို အားပေးဆောင်ရွက်ရန်တို့ကို အာရုံစိုက်လုပ်ဆောင် ခဲ့ သည်။

Ref ဘန်ကောက်ပို့စ်
.