ပဲခူးတိုင်း၊ ဇီးကုန်းမြို့နယ်အတွင်းရှိ လေဘေးသင့်အိမ်ထောင်စုများအား ပဲခူးတိုင်းဝန်ကြီးချုပ်က အစားအသောက်၊ အသုံးဆောင်နှင့်အလှူငွေများကို ယနေ့ဧပြီ(၁၈) ရက်၌ ထောက်ပံ့ပေးအပ်ခဲ့ကြောင်း သိရသည်။
အဆိုပါ ပေးအပ်ပွဲကို ဇီးကုန်းမြို့နယ် အ မှတ်(၁)ရပ်ကွက် အခြေခံပညာအလယ်တန်းကျောင်း(ခွဲ)တွင်ပြုလုပ်ခဲ့ခြင်းဖြစ်ပြီး၊ ဆန် ဆီနှင့် အသုံးအဆောင်ပစ္စည်းများ၊ အိမ်ဆောက်ပစ္စည်းဖိုးငွေများအား လေဘေးသင့်အိမ်ထောင်စုဝင်များထံ လက်ဝယ်အရောက် ပေးအပ်ခြင်းဖြစ် သည်။
ယနေ့တွင် ဝန်ကြီးချုပ် ဦးမျိုးဆွေဝင်းနှင့်အဖွဲ့သည် ကရင်ကုန်းကျေးရွာရှိ အမိုးလန်နေအိမ်များအား ပြန်လည်ပြုပြင်နေမှုအားကြည့်ရှု၍ လိုအပ်သည်များကိုလည်း လမ်းညွှန်မှာကြားကာ အလှူငွေများပေးအပ်ခဲ့ကြောင်း သိရသည်။
ဇီးကုန်းမြို့နယ်တွင် ယမန်နေ့ ဧပြီ (၁၇) ရက် ညနေ (၅) နာရီခွဲက မိုးသည်းထန်စွာ ရွာသွန်းပြီးလေပြင်းတိုက်ခတ်မှုကြောင့် မြို့ပေါ်ရပ်ကွက်(၅)ရပ်ကွက်နှင့် ကျေးရွာ အုပ်စု (၁၈)အုပ်စုအတွင်းနေအိမ်များ၊ စာသင်ကျောင်းများ၊ ဘုန်းတော်ကြီးကျောင်းများ အမိုးလန်ခြင်း၊ လူနေအိမ်အချိုပြိုလဲခြင်း၊ ရန်ကုန်-ပြည် မော်တော်ကားလမ်းတစ်လျှောက်နှင့် လမ်းသွယ်များအတွင်း သစ်ပင်များပြိုလဲခြင်း၊ မီးတိုင်အချို့ကျိုးပဲ့ခြင်းများ ဖြစ်ပေါ်ခဲ့ရာ အမိုးလန်နေအိမ် (၃၇၅) လုံး၊ ဘုန်းတော်ကြီးကျောင်း(၅) ကျောင်းနှင့် စာသင်ကျောင်း (၇) ကျောင်း အမိုးလန်၍ လူနေအိမ် (၁၀) လုံးပျ-က်စီးဆုံးရှုံးခဲ့ကြောင်း သိရသည်။