ဧရာဝတီတိုင်း၊ ဖျာပုံမြို့နယ်ရှိ ဆန်စက်တစ်လုံးတွင် ယနေ့ အောက်တိုဘာ ၂၁ ရက်နံနက် ၁၁ နာရီ ၂၀ မိနစ်ခန့်က မီးလောင်မှုဖြစ်ပွားခဲ့ကြောင်း မီးသတ်တပ်ဖွဲ့နှင့် ဒေသခံများထံမှ သိရသည်။
ဖျာပုံမြို့နယ်၊ ချောင်းတွင်းကျေးရွာအုပ်စုရှိ ဆန်စက်တစ်လုံးတွင် ဘွိုင်လာအိုးပေါက်ပြီးမီးလောင်မှုဖြစ်ပွား ၍ ဖျာပုံခရိုင်မီးသတ်စခန်းမှတပ်ဖွဲ့ဝင်များ၊ ဒေသခံလူ မှုကူညီရေးအသင်းဝင်များနှင့် အနီးဝန်းကျင်နေသူများက ဝိုင်းဝန်းငြှိမ်းသတ်ခဲ့ကြသဖြင့် နံနက် ၁၁ နာရီ ၅၀ မိ နစ်တွင် မီးငြိမ်းသွားခဲ့ကြောင်း သိရသည်။
မီးလောင်မှုကြောင့် အမျိုးသား(၁)ဦးမှာ မီးလောင်ဒဏ် ရာများရရှိကာသေဆုံးသွားခဲ့ပြီး အမျိုးသား(၃)ဦးနှင့် အမျိုးသမီး(၁)ဦးတို့တွင်လည်း ထိခိုက်ဒဏ်ရာများ (စိုး ရိမ်ရနှင့် မစိုးရိမ်ရ)များရရှိခဲ့သဖြင့် ပဲ့တင်သံလူမှုကူညီရေးအသင်းမှ ဖျာပုံပြည်သူဆေးရုံကြီးသိုပို့ဆောင်ပေးခဲ့ကြကြောင်း သိရသည်။
Photo-ဒေသခံ