ဧရာဝတီတိုင်းဒေသကြီးအတွင်း ၂၀၂၅ ဇူလှိုင်လမှ၂၀၂၆ ဇွန်လအထိ တစ်နှစ်အတွင်း မူးယစ်အမှုပေါင်း ၁၈၃ မှုမှ၊တရားခံကျား ၂၈၃ ဦး၊မ ၂၆ ဦး၊ စုစုပေါင်း၃၀၉ဦး ဖမ်းဆီးရမိခဲ့ကြောင်း သိရသည်။
ဇွန်လ ၂၆ ရက်က ပုသိမ်မြို့တော်ခန်းမတွင် ကျင်းပသော အပြည်ပြည်ဆိုင်ရာမူးယစ်ဆေးဝါး အလွဲသုံးမှုနှင့်တရားမဝင် ရောင်းဝယ်ဖောက်ကားမှု တို-က်ဖျ-က်ရေးနေ့ အခမ်းအနားတွင် ဧရာဝတီတိုင်းဒေသကြီးအတွင်း ၂၀၂၅ ဇူလှိုင်လမှ ၂၀၂၆ တစ်နှစ် နီးပါးအတွင်း မူးယစ်အမှုပေါင်း ၁၈၃ မှုမှ တရားခံ ကျား၂၈၃ ဦး၊မ၂၆ ဦး စုစုပေါင်း ၃၀၉ ဦးကိုဖမ်းဆီးရမိခဲ့ကြောင်း မူးယစ်အဖွဲ့မှ တာဝန်ရှိသူတစ်ဦးက ပြောသည်။
“”ဖမ်းဆီးရမိပစ္စည်းတွေအနေနဲ့ (အိုက်စ် ၄၀၀၀ကီလိုဂရမ်)၊(စိတ်ကြွရူးသွပ်ဆေးပြား ၁၀၄၀၀၃ ပြား)၊နှင့် (ဆေးခြောက် ၁၉၄၀ ဂရမ်)အပါအဝင် အခြားဘိန်းဖြူ၊အဖက်တမင်း၊happy water အနည်းငယ်စီ ဖမ်းဆီးရမိခဲ့ပါတယ်’’ဟု အမှတ် ၄၉ မူးယစ်တပ်ဖွဲ့ တပ်စုမူး ရဲမှူးမြင့်ထွန်းက ပြောသည်။
အဆိုပါအခမ်းအနားသို့ ဧရာဝတီတိုင်းဒေသကြီးအစိုးရအဖွဲ့ ဝန်ကြီးများ၊ ဖိတ်ကြားထားသူများ တက်ရောက်ခဲ့ကြပြီး လုံခြုံရေးနှင့်နယ်စပ်ရေးရာဝန်ကြီး ဗိုလ်မှူးကြီး စိုးမင်းဦးက တက်ရောက် အဖွင့်အမှာစကားပြောကြားခဲ့သည်။
ထို့နောက် အစိုးရအဖွဲ့ဝန်ကြီးများမှ ပန်းချီ၊ကာတွန်း၊ပိုစတာ၊ဆုရလူငယ်များ၊အပါအဝင် မူးယစ်ဆေးဝါးဖမ်းဆီးရာမှာ စွမ်းစွမ်းတမံပါဝင်ခဲ့သူ စုစုပေါင်း ၆၈ ဦးကို ဂုဏ်ပြုဆုပေးအပ်ခဲ့ကြောင်း သိရသည်။