ယနေ့ (အောက်တိုဘာ ၁၇) တွင် ရန်ကုန်မြို့၊ သုဝဏ္ဏကွင်း၌ အင်ဒိုနီးရှားအသင်းနှင့် ကန်ရမည့် မြန်မာအမျိုးသမီး ယူ ၁၇ ခြေစစ်ပွဲကို နိုင်ငံပိုင်ရုပ်သံလိုင်းများမှ တိုက်ရိုက်ထုတ်လွှင့်မည်ဖြစ်သည်။
ကြည့်ရှူလိုသူများသည် MRTV HD Channel, MRTV Entertainment Channel နှင့် မြန်မာ့အသံရေဒီယိုတို့မှ ကြည့်ရှူ နားဆင်နိုင်မည် ဖြစ်သည်။
မြန်မာယူ ၁၇ အမျိုးသမီးအသင်းသည် ၂၀၂၆ အမျိုးသမီး ယူ-၁၇ အာရှဖလားခြေစစ်ပွဲစဉ်အတွက် ရန်ကုန်မြို့၊ သုဝဏ္ဏကွင်းတွင် အိမ်ရှင်အဖြစ်လက်ခံကစားနေခြင်းလည်း ဖြစ်သည်။
လက်ရှိ၌ မြန်မာယူ ၁၇ အမျိုးအသမီးအသင်းသည် မကာအိုအသင်းကို အသင်းခေါင်းဆောင်ပင်မြင့်ယံက(၂)ဂိုး၊ ရှင်းသန့်ဖြူစင်ပြုံးက (၃)ဂိုး၊ အယ်လိစိုင်ထွယ်နန်းက (၁)ဂိုးနဲ့ ခိုင်ဇင်မြင့်က (၁)ဂိုး အသီးသီး သွင်းယူပြီးအနိုင်ရရှိထားကာ ခြေစစ်ပွဲအောင်ရန်အတွက် အင်ဒိုနီးရှားအသင်းကို ကျော်ဖြတ်ရန်ရှိနေသေးသည်။
ဓာတ်ပုံ – Jogarbola Facebook Page