မြန်မာနိုင်ငံတော် ယာယီသမ္မတမှ ကာဇက်စတန်နိုင်ငံ၏ ပထမဆုံးသမ္မတကိုယ်တိုင် လက်ကိုင်ပုဝါပေါ်တွင် ဒီဇိုင်းရေးဆွဲခဲ့သည့် Baiterek သမိုင်းဝင်အထိမ်းအမှတ်အဆောက်အဦးနှင့် လေ့လာရေးမျှော်စင်ကို ကြည့်ရှုလေ့လာ

ကာဇက်စတန်နိုင်ငံ၊ အက်စတာနာမြို့ရှိ ကာဇက်စတန်နိုင်ငံ၏ ပထမဆုံးသမ္မတကိုယ်တိုင် လက်ကိုင်ပုဝါပေါ်တွင်ဒီဇိုင်းရေးဆွဲခဲ့သော Baiterek သမိုင်းဝင်အထိမ်း အမှတ်အဆောက်အဦနှင့် လေ့လာရေးမျှော်စင်အား မြန်မာနိုင်ငံတော် ယာယီသမ္မတ၊ နိုင်ငံတော်လုံခြုံရေးနှင့် အေးချမ်းသာယာရေးကော်မရှင် ဥက္ကဋ္ဌ၊ ဗိုလ်ချုပ်မှူးကြီးမင်းအောင်လှိုင်မှ စက်တင်ဘာ ၂ ရက်ညပိုင်းက ကြည့်ရှုလေ့လာခဲ့သည်။ 

မြန်မာနိုင်ငံတော် ယာယီသမ္မတမှ Baiterek သမိုင်းဝင်အထိမ်းအမှတ်အဆောက်အဦးနှင့် လေ့လာရေးမျှော်စင် ၊ အက်စတာနာမြို့ မြို့ပြဖွံ့ဖြိုးတိုးတက်မှုများအား ကြည့်ရှုလေ့လာရာ တာဝန်ရှိသူများ၏ ရှင်းလင်းတင်ပြခဲ့ကြပြီး မြန်မာနိုင်ငံတော် ယာယီသမ္မတမှပြန်လည်မေး မြန်းဆွေးနွေးပြီးနောက် အက်စတာနာမြို့ မြို့ပြဖွံ့ဖြိုးတိုးတက်မှုများအား လှည့်လည်ကြည့်ရှုလေ့လာခဲ့သည်။

အဆိုပါ (Baiterek) သမိုင်းဝင်အထိမ်းအမှတ်အ ဆောက်အဦနှင့် လေ့လာရေးမျှော်စင်သည် ၁၉၉၇ ခုနှစ်တွင် ကာဇက်စတန်၏မြို့တော် အက်စတာနာအဖြစ် ပြောင်းရွှေ့မှုအဖြစ် သင်္ကေတပြုသောသမိုင်းဝင်အဆောက်အဦးဖြစ်ပြီး နိုင်ငံ၏သင်္ကေတနှင့် ခေတ်သစ်ဗိ သုကာလက်ရာ၏ ထင်ရှားသော မှတ်တိုင်နေရာတစ်ခုဖြစ်ကာ ကာဇက်စတန်လူမျိုးများ၏ ဘဝသစ်စတင်ရာနေရာတစ်ခုဖြစ်သည်။

Baiterek သည် အမြင့် ၉၇ မီတာ(၃၁၈ ပေ)ရှိပြီး အပေါ်ဘက်ရှိ ဖန်ဘောလုံးကြီးအား တိုင်(၅၀၀)ဖြင့်အောက်မှပင့်တင်ထားသည့် ပုံစံမျိုးတည်ဆောက်ထားကာ ထောင့်အမျိုးမျိုးမှ ရုတ်တရက်ကြည့်ပါက ရွှေဖြင့်ပြု လုပ်ထားသည်ဟုထင်ရကာ Baiterek ၏ ဒီဇိုင်းပုံကြမ်းကို ကာဇက်စတန်နိုင်ငံ၏ ပထမဆုံးသမ္မတ Mr. Nursultan Nazarbayev မှ လေယာဉ်ပျံသန်းနေသည့်အချိန် လက်ကိုင်ပဝါပေါ်တွင် ဒီဇိုင်းရေးဆွဲခဲ့ခြင်းဖြစ်သည်။

ယင်း လက်ကိုင်ပုဝါကို ပထမဆုံးသမ္မတပြတိုက်တွင် သမိုင်းဝင်အမွေအနှစ်အဖြစ် သိမ်းဆည်းထားပြီး မျှော် စင်၏ ဒီဇိုင်းနှင့် သင်္ကေတများသည် လှည့်လည်နေထိုင်သွားလာသူများ၏ ရိုးရာယုံကြည်မှုများနှင့် နီးကပ်စွာဆက်စပ်နေပြီး Baiterek ဆိုသည်မှာ ကာဇက်ရိုးရာဒ ဏ္ဍာရီတွင် ရှင်သန်ခြင်းသစ်ပင်ကြီးကို ရည်ညွှန်းထားပြီး ဒဏ္ဍာရီအရ ဤသစ်ပင်ပေါ်တွင် Samruk ဟုခေါ်သော ဒဏ္ဍာရီလာငှက်ကြီးနေထိုင်၍ ရွှေဥဥကာ နေကို ကိုယ်စားပြု၍ ရှင်သန်ခြင်းနှင့် မျှော်လင့်ချက်ရောင် ခြည်ကိုပေးစွမ်းသည်ဟု ဖော်ညွှန်းသည်။

ထိုနည်းဖြင့် ကာဇက်လူမျိုးများသည် အကောင်းနှင့်အ ဆိုး၏ ရုန်းကန်မှု၊ ရာသီများအပြောင်းအလဲကို နေ့ရောညပါပုံဖော်ပြီး ဘိုင်တီရက်၏ထိပ်တွင် ၂၂ မီတာရှည်သော ရွှေဘောလုံးသည် ဒဏ္ဍာရီလာနေမင်းကို ကိုယ် စားပြုကာ (Baiterek) အထိမ်းအမှတ်အဆောက်အဦကို မြို့တော်၏ယဉ်ကျေးမှုဗဟိုချက်အဖြစ် ဖန်တီးခဲ့ခြင်းဖြစ်သည်။

မျှော်စင်၏ မြေအောက်(၄ ဒသမ ၅)မီတာတွင် ငါးပြတိုက်၊ ကော်ဖီဆိုင်နှင့် ယဉ်ကျေးမှုစင်တာတစ်ခုရှိကာ မျှော်စင်၏ ၃၄ လွှာရှိ “ရွှေဘောလုံး”တင်ထားသည့်နေရာမှ မြိုပြ၏ရှုခင်းများကို ကြည့်ရှုခံစားနိုင်ကာ ၂၀၀၃ ခုနှစ်တွင် ဘာသာပေါင်းစုံ(၁၇)ခုမှ ကိုယ်စားလှယ်များ သည် (Baiterek)အထိမ်းအမှတ် အဆောက်အဦးတွင် ပထမဆုံးအကြိမ်အဖြစ် ဆုတောင်းမှုပြုလုပ်ခဲ့ကြပြီး ဘိုင်တီရက်သည် ကာဇက်စတန်၏ ယဉ်ကျေးမှု၊ ဒဏ္ဍာ ရီနှင့် ခေတ်သစ်တိုးတက်မှုတိုကို ပေါင်းစပ်ထားသော အံ့ဖွယ်အဆောက်အဦးတစ်ခုဖြစ်ကာ ငြိမ်းချမ်းမှု၏ ပြယုဒ်တစ်ခုလည်းဖြစ်ကာ လာရောက်လေ့လာသူများ သည် (Baiterek)အထိမ်းအမှတ် အဆောက်အဦးတွင်ဆုတောင်းမှုများကိုပြုလုပ်ကြသည်။