IBEC ဆရာတော်၏ သက်တော်(၅၅)နှစ်ပြည့် ဝိဇာတမွေးနေ့မင်္ဂလာအား မနက်ဖြန် ဇွန် ၁၈ ရက်တွင် စစ်ကိုင်းတိုင်း၊ စစ်ကိုင်းတောင်ရိုးပေါ်ရှိ အပြည်ပြည်ဆိုင်ရာဗုဒ္ဓဘာသာပညာရေးစင်တာ(IBEC) ကျောင်းတိုက်၌ ဆင်ယင်ကျင်းပသွားမည်ဖြစ်သည်။
ထို့ပြင် IBEC ဆရာတော်၏ သက်တော်(၅၅)နှစ်ပြည့်ဝိဇာတမွေးနေ့နှင့်အတူ IBEC ကျောင်းတိုက်ကြီးတည်ထောင်ခြင်း(၁၇)နှစ်ပြည့်အထိမ်းအမှတ်နေ့ကိုလည်း တစ်ပြိုင်ထဲကျင်းပသွားမည်ဖြစ်ကာ IBEC ဆရာတော်မှ မိန့်ခွန်းပြောကြားသွားမည်ဖြစ်ပြီး ကိုရင်များ၊ သီလရှင်များ၊ ကျောင်းသား၊ ကျောင်းသူများကို ကျောင်းသုံးပစ္စည်းများ၊ အသုံးအဆောင်ပစ္စည်းများပေးအပ်လှူဒါန်းသွားမည် ဖြစ်သည်။
ထို့အတူ ကျောင်းသား၊ ကျောင်းသူများ၊ ဆရာ၊ ဆရာမများ၊ ရုံးဝန်ထမ်းများအား စတုဒီသာကျွေးမွေးလှူဒါန်းသွားမည်ဖြစ်ကာ ဦးဇော်ဌေးဝင်း+ဒေါ်မူယာမြင့် ရွှေရည်အထည်ချုပ်လုပ်ငန်းမိသားစုတို့မှလည်း IBEC ဆရာတော်အား ပုနောပသမ္ပဒါကံထပ်မင်္ဂလာပြုလုပ်သွားမည်ဖြစ်သည်။
မန္တလေးငလျင်ကြီးဒဏ်ကြောင့် IBEC ကျောင်းတော်ကြီး၌ပျ-က်စီးဆုံးရှုံးမှုများဖြစ်ပေါ်ခဲ့သော် လည်း ၂၀၂၅-၂၀၂၆ ပညာသင်နှစ်တွင် ကျောင်းသား၊ ကျောင်းသူများအား ယာယီစာသင်ဆောင်များကိုအမြန်ဆုံးပြန်လည်တည်ဆောက်၍ စာသင်ကြားမှုများပြုလုပ်ပေးလျက်ရှိသည်။