နိုင်ငံခြားသားနည်းပြများအား ငှားရမ်းခေါ်ယူခြင်းတို့ ဆောင်ရွက်ရာတွင် Black List စစ်ရန်အတွက် Data အချက်အလက် အစုံအလင်ကို အားကစားနှင့် ကာယ ပညာဦးစီးဌာနသို့ အနည်းဆုံးနှစ်လ ကြိုတင်ပေးပို့ဆောင်ရွက်ရမည်ဖြစ်ကြောင်း အားကစားနှင့်လူငယ်ရေးရာဝန်ကြီးဌာန၊ အားကစားနှင့် ကာယပညာဦးစီးဌာန ဒုတိယ ညွှန်ကြားရေးမှူးချုပ်ဦးကျော်ဦးက ပြောကြားသည်။
ထို့ပြင် သက်ဆိုင်ရာ အားကစားအဖွဲ့ချုပ်များအနေဖြင့် အပြည်ပြည်ဆိုင်ရာဖိတ်ခေါ် ပြိုင်ပွဲများသွားရောက်ခြင်း ၊ ပြည်ပနိုင်ငံများ၌ အစည်းအဝေးတက်ရောက်ခြင်းများလည်း ပါဝင်ကြောင်း ဆိုသည်။
မေလ (၁၂) ရက်က ကျင်းပြုလုပ်သည့် (၃၃) ကြိမ်မြောက် အရှေ့တောင် အာရှအားကစားပြိုင်ပွဲသို့ ဝင်ရောက်ယှဉ်ပြိုင်ကြမည့် မြန်မာနိုင်ငံ အားကစားအဖွဲ့ချုပ်များနှင့် ပေါင်းစပ်ညှိနှိုင်းအစည်းအဝေးတွင် ထိုသို့ ထည့်သွင်းပြောကြားခဲ့ခြင်းဖြစ်သည်။
(၃၃)ကြိမ်မြောက် အရှေ့တောင် အာရှအားကစားပြိုင်ပွဲကျင်းပရန် ရက်ပေါင်း (၂၁၁)ရက်သာ လိုတော့သည့်အတွက် အစည်းအဝေးကို နှစ်ပတ်တစ်ကြိမ်ပြုလုပ်သွားရန် စီစဉ်ထားပြီး ဌာနမှတာဝန်ရှိသူများနှင့်အတူ အဖွဲ့ချုပ်မှ ဥက္ကဋ္ဌများနှင့် တာဝန်ရှိသူတို့ ဝိုင်းဝန်းပူးပေါင်း၍ ကူညီကြပ်မတ် ဆောင်ရွက်ပေးကြရန် လိုအပ်ကြောင်းပြောကြား သည်။
ထို့ပြင် မိမိအားကစားနည်းအလိုက် အုပ်ချုပ်/ နည်းပြ များကလည်း အားကစားသမားများ စည်းကမ်းတကျလိုက်နာဆောင်ရွက်လေ့ကျင့်ကြရန် ဆောင်ရွက်ပေးကြရန် ၊ စခန်းသွင်းအားကစားသမားများ ခွင့်တောင်းခံရာ၌ အဖွဲ့ချုပ် ဥ က္ကဋ္ဌနှင့် တာဝန်ရှိသူများမှ သိရှိခွင့်ပြုပြီး ဌာနသို့ ဆက်လက်တင်ပြဆောင်ရွက်သွားရန်၊ စခန်းသွင်းအားကစားသမားများ စခန်းသွင်းလေ့ကျင့်နေမှုအား ကြည့်ရှု စစ်ဆေးပြီး နေ ထိုင်စားသောက် လေ့ကျင့်ရေးကိစ္စရပ်များနှင့် လိုအပ်ချက်များအား ဖြည့်ဆည်းဆောင်ရွက်ပေးလျက်ရှိကြောင်းနှင့် (၃၃)ကြိမ်မြောက် အရှေ့ တောင်အာရှ အားကစားပြိုင်ပွဲတွင် အောင်မြင်မှုများရရှိအောင် အားလုံးစုပေါင်း ဝိုင်းဝန်းကူညီ ဆောင်ရွက်ကြရန်လည်း ပြောကြားခဲ့သည်။
အစည်းအဝေးသို့ အားကစားနှင့်လူငယ် ရေးရာဝန်ကြီးဌာန၊ အားကစားနှင့်ကာယပညာဦးစီးဌာန ၊ ဒုတိယညွှန်ကြားရေး မှူးချုပ် ဦးကျော်ဦးနှင့် ဌာနတာဝန်ရှိသူများ ပြိုင်ပွဲဝင် အား ကစားအဖွဲ့ချုပ် တာဝန်ရှိသူများများ တက်ရောက်ဆွေးနွေးခဲ့ကြကြောင်း သိရသည်။