ငလျင်နှင့် ပက်သက်၍ ကောလဟာလသတင်းမှားများကို လူမှုကွန်ရက် စာမျက်နှာများတွင် ရေးသားဖြန့်ဝေခြင်း ၊ ထပ်ဆင့်ကူးယူဖော်ပြခြင်းများ လုပ်ဆောင်နေကြသည့်အတွက် သတိပြုကြရန်လိုအပ်လာကြောင်း မိုး/ဇလက အသိပေးထားသည်။
ငလျင်သည် မည်သည့်အချိန်၊ မည်သည့်နေရာတွင် လှုပ်ရှားမည်ကို ယနေ့အချိန်ထိ ကမ္ဘာပေါ်တွင် မည်သည့်နိုင်ငံ၊ မည်သည့်ငလျင်ပညာရှင်မှ တိတိကျကျ ကြိုတင်မခန့်မှန်းနိုင်သော သဘာဝဘေးတစ်မျိုးဖြစ်သည့်အတွက် ကောလဟလများနှင့်ပတ်သက်၍ စိုးရိမ်ပူပန်မှုများမဖြစ်ကြရန် မိုးလေဝသနှင့် ဇလဗေဒဦးစီးဌာနက ထုတ်ပြန်အသိပေးထားခြင်းလည်းဖြစ်သည်။
လက်ရှိတွင် ငလျင်ဒဏ်သင့်ခဲ့ရသော ဒေသများမှ လူထုကြားတွင် မည်သည့်ရက်၌ အင်အားမည်မျှရှိသော ငလျင်တခုထပ်လာမည်ဟုဆိုကာ ပျံ့နှံ့မှုများ ရှိနေခြင်းလည်း ဖြစ်သည်။
ထို့ကြောင့် ငလျင်နှင့်ပတ်သက်၍ သိရှိလိုသည်များရှိပါက သက်ဆိုင်ရာ မိုးလေဝသနှင့် ဇလဗေဒညွှန်ကြားမှု ဦးစီးဌာန၏ ဖုန်းနံပါတ်များဖြစ်သည့် ၀၆၇-၃၄၁၁၂၆၉ နှင့် ၀၆၇- ၃၄၁၁၂၅၃ တို့သို့ တိုက်ရိုက်ဆက်သွယ် မေးမြန်းနိုင်ကြောင်း မိုးလေဝသနှင့် ဇလဗေဒဦးစီးဌာနက ထုတ်ပြန်ထားသည်။
ပုံစာ – စစ်ကိုင်းပြတ်ရွေ့ကြောတလျောက် မန္တလေးငလျင်ကြီးကြောင့် ဖြစ်ပေါ်လာခဲ့သည့် မြေလွှာကွဲအက်မှု(rupture) များကို TSBM_ER77info team မှ ကွင်းဆင်း မှတ်တမ်းရယူထားသည့်မြင်ကွင်း ။
ဓာတ်ပုံ – Nyo Min