ကိုရီးယားနိုင်ငံရှိ Global Elim Foundation(GEF) က မြန်မာကျောင်းသား(၂)ဦးအပါအဝင် နိုင်ငံပေါင်း(၁၅)နိုင်ငံမှ ကျောင်းသား၊ ကျောင်းသူ (၂၅)ဦးအား ပညာသင်ဆုများပေးအပ်ပွဲကို ယ နေ့ ဖေဖော်ဝါရီ ၂၈ ရက်ကကျင်းပရာ ကိုရီးယားနိုင်ငံဆိုင်ရာ မြန်မာသံအမတ်ကြီးဦးသန့်စင်တက်ရောက်ခဲ့သည်။
ထိုသို့ တက်ရောက်ပြီးနောက် GEF က မြန်မာကျောင်းသား(၂)ဦးကိုပညာသင်ဆုပေးရန် ရွေး ချယ်ခဲ့သဖြင့် အထူးဝမ်းမြောက်ဂုဏ်ယူမိကာ ပညာသင်ဆုရရှိသည့် ကျောင်းသား/သူများအ နေဖြင့် မိမိတို့၏ ရည်မှန်းချက်များကို ကြိုးစားအားထုတ်မှု၊ ဇွဲလုံ့လတို့မှတစ်ဆင့် အမှန်တကယ် အကောင်အထည်ဖော်နိုင်ရန်၊ မိမိတို့၏ မိသားစု၊ အသိုက်အဝန်းနှင့် နိုင်ငံဂုဏ်သိက္ခာအတွက် ပိုမိုကြိုးပမ်းသွားကြရန် တိုက်တွန်းပြောကြားခဲ့သည်။
ထို့ပြင် ၂၀၂၄ ခုနှစ်တွင် ကိုရီးယားနိုင်ငံ၏ တက္ကသိုလ်များ၌ နိုင်ငံခြားကျောင်းသား၊ ကျောင်းသူ (၂)သိန်းကျော်ပညာသင်ကြားလျက်ရှိရာ နိုင်ငံ ၏ရည်မှန်းချက်ဖြစ်သည့် ၂၀၂၈ ခုနှစ်တွင် ကျောင်းသား၊ ကျောင်းသူဦးရေ(၃)သိန်းအထိ ပြည့်မီနိုင်မည်ဟု ယုံကြည်သည်ဟု ပြောသည်။
ထို့အတူ Global Elim Foundation အနေဖြင့်လည်း အမှန်တကယ်ထောက်ပံ့မှုလိုအပ်နေသည့် နိုင်ငံတကာမှ ကျောင်းသား၊ ကျောင်းသူများကို ပညာသင်ဆုများပိုမိုပေးအပ်ပေးရန်လည်း မြန် မာသံအမတ်ကြီးဦးသန့်စင်က တိုက်တွန်းပြောကြားခဲ့သည်။