Myanmar National League2024-2025 ချန်ပီယံဆု (၆) ကြိမ်မြောက်ဆွတ်ခူးရရှိသည့် ရှမ်းယူနိုက်တက်အသင်းအနေဖြင့် အသင်း၏ ချန်ပီယံ ဂီတဖျော်ဖြေပွဲ ကျင်းပပြုလုပ်သွားမည်ဖြစ်ကြောင်း ယနေ့တွင် အသိပေးထားသည်။
ချန်ပီယံ ဂီတဖျော်ဖြေပွဲကို လာမည့် မတ်လ(၁)ရက်၌ တောင်ကြီးမြို့ ပြည်နယ်အားကစားခန်းမတွင် ကျင်းပသွားမည်ဖြစ်ပြီး နိုင်ငံကျော်အဆိုတော် မျိုးကြီး၊ ဝိုင်ဝိုင်းနှင့် စိုင်းစိုင်းခမ်းလှိုင်တို့ သီဆိုဖျော်ဖြေသွားမည်ဖြစ်ကြောင်း သိရသည်။
ယင်းနေ့သည် ရှမ်းယူနိုက်တက်အသင်း နှင့် ဟံသာဝတီယူနိုက်တက်အသင်းတို့၏ လက်ကျန်(၃)ပွဲအနက် နောက်ဆုံးပွဲစဉ်ယှဉ်ပြိုင်ကစားကြအပြီး၊ အမှတ်ပေး ချန်ပီယံဆုကို(၆) ကြိမ်မြောက် ဆွတ်ခူးမည့် နေ့တစ်နေ့ဖြစ်ကြောင်း သိရသည်။
“မတ်လ (၁) ရက်၊ ရှမ်းယူနိုက်တက် – ဟံသာဝတီယူနိုက်တက် ပွဲစဉ် အပြီးမှာ ချန်ပီယံ ဆုပေးပွဲ အခမ်းအနား ကျင်းပမယ်၊ ပြီးရင် တောင်ကြီးကွင်းဘေးက မိုးလုံလေလုံ အားကစားရုံထဲမှာ ဂီတဖျော်ဖြေပွဲ ဆက်လက် ကျင်းပမယ်ရှမ်းယူနိုက်တက် အသင်းကို ချစ်တဲ့၊ အားပေးတဲ့ ပရိသတ်တွေအ တွက် ရည်ရွယ်ပြီး ချစ်ခြင်းတွေအပြည့်နဲ့ စီစဉ်တဲ့ ဂီတဖျော်ဖြေပွဲ ဖြစ်ပါတယ်။ ဂီတဖျော်ဖြေပွဲအတွက် ဝင်ကြေးတွေ၊ လက်မှတ်ခတွေ မပါပါဘူး၊ အခမဲ့လာရောက်ကြည့်ရှုနိုင်မှာဖြစ်ပါတယ်”ဟု အသင်းက အသိပေးထားသည်။
ရှမ်းယူနိုက်တက်အသင်းသည် Myanmar National League ၏ အအောင်မြင်ဆုံး အသင်းတစ်သင်းအဖြစ် သမိုင်းသစ်ရေးထိုးနိုင်ခဲ့ပြီဖြစ်ကာ အမှတ်ပေး ချန်ပီယံဆုကို (၅) ရာသီဆက်တိုက် ရှုံးပွဲမရှိ ဆွတ်ခူးနိုင်ခဲ့ခြင်းဖြစ်သည်။