နှစ်(၁၁၀)ပြည့် မြန်မာနိုင်ငံ ကလေ-းများနေ့ ပျော်ပွဲရွှင်ပွဲကို ဖေဖော်ဝါရီလ (၁၃)ရက် နံနက်(၈)နာရီက မုံရွာမြို့ရှိ စစ်ကိုင်းတိုင်းဒေသကြီး လူမှုဝန်ထမ်းရုံးတွင် ကျင်းပသည်။
ပျော်ပွဲရွှင်ပွဲကို လူမှုဝန်ထမ်းကယ်ဆယ်ရေးနှင့်ပြန်လည်နေရာချထားရေးဝန်ကြီးဌာန စစ်ကိုင်းတိုင်းဒေသကြီး လူမှုဝန်ထမ်း ဦးစီးဌာန၏ အနီးကပ်ကြီးကြပ်မှုဖြင့် မုံရွာမြို့ နန္ဒဝန်မူလတန်းကြိုကျောင်းမှ ကြီးမှူးကျင်းပခြင်းဖြစ်သည်။
၂၀၂၅-ခုနှစ် မြန်မာနိုင်ငံ ကလေ-းများနေ့ အကြောင်းကိုစစ်ကိုင်းတိုင်းဒေသကြီး လူမှုဝန်ထမ်း ဦးစီးဌာနမှ ညွှန်ကြားရေးမှူး ဒေါ်လှိုင်မိုးမြတ်ကရှင်းလင်းပြောကြားပြီး နန္ဒဝန်မူလတန်းကြိုကျောင်းမှ သားငယ်သမီးငယ်များကဂုဏ်ပြုကြစို့၊ဘယ်လိုက၊ လက်တွဲညီညာနေ့၊ ပြည်ထောင်စုပျော်ပွဲ၊ ရှမ်းအိုးစည်၊ ကစားဖော်များ၊ ရခိုင်ပြည်နယ်အလည်သွား၊ ကရင်ဒုံးယိမ်းအကတို့ဖြင့် ကပြသီဆိုဖျော် ဖြေကြသည်။
ညွှန်ကြားရေးမှူး ဒေါ်လှိုင်မိုးမြတ်နှင့် တာဝန်ရှိသူများက နန္ဒဝန်မူလတန်းကြိုကျောင်းမှ သားငယ်သမီးငယ် စုစုပေါ င်း (၁၀၀)ဦးအား အမှတ်တရ လက်ဆောင်ပစ္စည်းများနှင့် အာဟာရမုန့်မျိုးစုံ ပေးအပ်ချီးမြှင့်ခဲ့ပြီး နန္ဒဝန်မူလတန်းကြိုကျောင်းမှ သားငယ်သမီးငယ် စုစုပေါင်း (၁၀၀) ဦးတို့သည် တိုင်းဒေသကြီး မီးသတ်ဦးစီးဌာနရုံးသို့လေ့လာရေးသွားရောက်ခဲ့သည်။
မီးသတ်ဦးစီးဌာန ခန်းမတွင် တိုင်းဒေသကြီး မီးသတ်ဦး စီးမှူး ညွှန်ကြားရေးမှူး ဦးသန်းထွဋ်ဦးနှင့် တာဝန်ရှိသူများက သားငယ်သမီးငယ်များအား ရေခဲလူသား Video Clip ကို ပြသပြီး အာဟာရ သာကူယိုများ တိုက်ကျွေးခဲ့ကြပြီး တိုင်းဒေသကြီး မီးသတ်ဦးစီးမှူး ညွှန်ကြားရေးမှူးနှင့် တာ ဝန်ရှိသူများက အဆိုပါရုံးရှေ့တွင် မီးငြိမ်းသတ်နည်းများကို သားငယ်သမီးငယ်များအား လက်တွေ့ပြသဆောင်ရွ က်ပေးရာ သားငယ်သမီးငယ်များက စိတ်ပါဝင်စားစွာ မီးငြိမ်းသတ်မှုသရုပ်ပြသမှုအား ပါဝင်ဆောင်ရွက်ခဲ့ကြ
သည်။
အလားတူ ယနေ့ မွန်းလွဲ (၁)နာရီက မုံရွာမြို့ ရုံးကြီးရပ်ကွက်ရှိ မုံရွာမူလတန်းကြိုကျောင်းခန်းမတွင်လည်း ၂၀ ၂၅ ခုနှစ်၊ မြန်မာနိုင်ငံ ကလေ-းများနေ့ အထိမ်းအမှတ် ပျော်ပွဲရွှင်ပွဲအခမ်းအနားကို စည်းကားသိုက်မြိုက်စွာ ကျင်းပပြုလုပ်ခဲ့ရာ သားငယ်သမီးငယ် (၁၆၃) ဦးက ကလေ-းများနေ့၊ ပြည်ထောင်စုပျော်ပွဲ၊ မူကြိုကျောင်း၊ တို့ဗိုလ်ချုပ်၊ ဗိုလ်တေဇ၊ လက်တွဲညီညာနေ့၊ Head, Shoul de, Knee and Toes၊ Three Little Bears စသည့် တေး သီချင်းပေါင်း (၈)ခုဖြင့် ပျော်ရွှင်စွာ ပါဝင်ကပြသီဆိုဆင်နွဲခဲ့ကြပြီး ညွှန်ကြားရေးမှူး ဒေါ်လှိုင်မိုးမြတ်နှင့် တာဝန်ရှိသူများက အမှတ်တရပစ္စည်းလက်ဆောင်များပေးအပ်ခဲ့ ကြောင်းသိရသည်။