၂၀၂၄ မြန်မာနေရှင်နယ်လိဂ်-၂ ပြိုင်ပွဲအပြီး တန်းဆင်းသွားရသည့် အသင်း (၂)သင်း နေရာအတွက် အစားထိုးဝင်ရော က် ယှဉ်ပြိုင်ရန် အပျော်တမ်းကလပ်အသင်းများကို ဖိတ်ခေါ်ပြိုင်ပွဲပြုလုပ်၍ ရွေးချယ်သွားမည်ဖြစ်ကြောင်း မြန်မာနေရှင်နယ်လိဂ်ကော်မတီထံမှ သိရသည်။
ရွေးချယ်ခံရသည့် အသင်း(၂)သည် ၂၀၂၅ ခုနှစ် မြန်မာနေရှင်နယ်လိဂ်-၂ ပြိုင်ပွဲအတွင်း ဝင်ရောက်ယှဉ်ပြိုင်ခွင့်ရရှိမည်ဖြစ်ကြောင်း သိရသည်။
ယင်းအတွက် မြန်မာနိုင်ငံဘောလုံးအဖွဲ့ချုပ်၊ မြန်မာနေရှင်နယ်လိဂ်ကော်မတီမှ ကြီးမှူး၍ MNL 2 Promotion Amate ur Club Tournament 2025 ပြိုင်ပွဲကို မတ်လ (၁၅) ရက်မှ မတ်လ(၂၉)ရက်အထိ ကျင်းပပြုလုပ်၍ ရွေးချယ်သွားမည်ဖြစ်ကာ၊ ပြိုင်ပွဲဝင်အသင်း (၈) သင်းမှ(၁၀)သင်းအထိ ဝင်ရောက်ယှဉ်ပြိုင်နိုင်ရန် စီစဉ်ထားရှိကြောင်း သိရသည်။
အဆိုပါ MNL 2 Promotion Amateur Club Tournament 2025 ပြိုင်ပွဲအတွက် ယမန်နေ့ ဖေဖော်ဝါရီ (၅)ရက်က ရန်ကုန်မြို့ သုဝဏ္ဏကွင်း ပထမထပ်ရှိ အစည်းအဝေးခန်းမ၌ မြန်မာနေရှင်နယ်လိဂ်အမှုဆောင်အရာရှိချုပ် ဦးစိုးမိုးကျော်၊ မြန်မာနိုင်ငံဘောလုံးအဖွဲ့ချုပ်နှင့် မြန်မာနေရှင်နယ်လိဂ်မှ တာဝန်ရှိသူများနှင့်ပြိုင်ပွဲဝင်ကလပ်အသင်းများဖြစ်သော 10/Mon FC၊ Enjoy Brother FC၊ Happy Friendship FC၊ Asia Lions FC၊ TKG Hmawbi FC၊ အင်းစိန်စီးတီးအက်ဖ်စီ၊ W United FC၊ Young Boy FC၊ Danger FC၊ မြဧရာအက်ဖ်စီ စသည့် အပျော်တမ်းကလပ်အသင်းပိုင်ရှင်များနှင့် တာဝန်ရှိသူများ အကြိုညှိနှိုင်း အစည်းအဝေးတစ်ရပ် ကျ င်းပခဲ့သည်။
ထိုအစည်းအဝေးအတွင်း မြန်မာနေရှင်နယ်လိဂ် အမှုဆောင်အရာရှိချုပ် ဦးစိုးမိုးကျော်က MNL အပျော်တမ်းကလပ်အ သင်းများ ဝင်ရောက်ယှဉ်ပြိုင်ခွင့်အတွက် အပျော်တမ်းလိဂ်များစွာကိုဆက်သွယ်ဆောင်ရွက်ခဲ့ကြောင်း၊ ယခုပြိုင်ပွဲမှတဆင့် MNL -2 2025 ပြိုင်ပွဲသို့ တန်းတက်ယှဉ်ပြိုင်နိုင်သော အသင်းနှစ်သင်း (ပထမ၊ဒုတိယနှစ်သင်း) အား ရွေးချယ်သွားမည်ဖြစ်၍ MNL-2 ပြိုင်ပွဲသို့ ဝင်ရောက်ယှဉ်ပြိုင်သည့်အခါ ပရော်ဖက်ရှင်နယ် Criteria များအား လိုက်နာဆောင် ရွက်ရမည့် အခြေအနေများ၊ MNL-2 ပြိုင်ပွဲတွင် ရေရှည်ပြိုင်ပွဲဝင်နိုင်ရန် ဘဏ္ဍာရေးတောင့်တင်းခိုင်မာမှုရှိရန်နှင့် စီမံခန့်ခွဲမှုကောင်းစွာဖြင့် ဖွဲ့စည်းယှဉ် ပြိုင်ရန် လိုအပ်သည့်အ ခြေအနေများအား ပြိုင်ပွဲမတိုင်မီ ကလပ်အသင်းများ ကြို တင်ပြင်ဆင်ထားရှိရန် လိုအပ်သည့် အခြေအနေများအား ရှင်းလင်းပြောကြားခဲ့သည်။
MNL 2 Promotion Amateur Club Tournament 2025 အတွက်အုပ်စုပွဲစဉ်များအား ဗဟန်းမြက်ခင်းတု (M-3) ကွင်း၌ လည်းကောင်း၊ ဗိုလ်လုပွဲစဉ်အား သုဝဏ္ဏကွင်း၌ လည်းကောင်း ကျင်းပပြုလုပ်သွားမည်ဖြစ်ကြောင်း မြန်မာနေရှင်နယ်လိဂ်ကော်မတီ၏ အသိပေးချက်အရ သိရသည်။