ပြည်ထဲရေးဝန်ကြီးဌာန၏ ပြည်ထောင်စုဝန်ကြီးမှ ဥက္ကဋ္ဌအဖြစ်တာဝန်ယူမည့် သက်သေခံပစ္စည်းများစီမံထိန်းသိမ်းရေးနှင့်စီမံခန့်ခွဲရေးဗဟိုကော်မတီကိုဖွဲ့စည်းခဲ့ကြောင်း ယမန်နေ့ ဒီဇင်ဘာ ၂၈ ရက်က နစက ဥပဒေအမှတ် ၇၄/၂၀၂၄ ဖြင့်ထုတ်ပြန်သည့် သက်သေခံပစ္စည်းများစီမံထိန်းသိမ်းရေးနှင့်စီမံခန့်ခွဲရေးဥပဒေထုတ်ပြန်ရာတွင် ထည့်သွင်းဖော်ပြခဲ့သည်။
နစက မှ သက်သေခံပစ္စည်းများစီမံထိန်းသိမ်းရေးနှင့်စီမံခန့်ခွဲရေးဥပဒေအား ဖွဲ့စည်းပုံအခြေခံဥပဒေပုဒ်မ ၄၁၉ အရ ပြဋ္ဌာန်းခဲ့ခြင်းဖြစ်ကြောင်း အသိပေးထုတ်ပြန်ခဲ့သည်။
အဆိုပါ သက်သေခံပစ္စည်းများစီမံထိန်းသိမ်းရေးနှင့်စီမံခန့်ခွဲရေးဗဟိုကော်မတီတွင် မြန်မာ နိုင်ငံရဲတပ်ဖွဲ့၏ရဲချုပ်မှ အတွင်းရေးမှူး၊ မြန်မာ နိုင်ငံရဲတပ်ဖွဲ့၊ မှုခင်းနှင့်ဥပဒေရေးရာဌာနကြီး၏ ဌာနကြီးမှူးက တွဲဖက်အတွင်းရေးမှူးအဖြစ် တာ ဝန်ယူသွားမည်ဖြစ်သည်။
ထို့ပြင် ဝန်ကြီးဌာန(၇)ခုမှ ဒု-ဝန်ကြီး(၇)ဦးနှင့် အ ထွေထွေအုပ်ချုပ်ရေးဦးစီးဌာန၊ အထူးစုံစမ်းစစ် ဆေးရေးဦးစီးဌာန၊ သစ်တောဦးစီးဌာနနှင့် အဂ တိလိုက်စားမှုတိုက်ဖျက်ရေးကော်မရှင်ရုံးတို့မှ ညွှန်ကြားရေးမှူးချုပ်(၄)ဦးတို့မှလည်း အဖွဲ့ဝင်များအဖြစ်ပါဝင်သည်။
ထို့အတူ ပြဋ္ဌာန်းခဲ့သည့် သက်သေခံပစ္စည်းများစီမံထိန်းသိမ်းရေးနှင့်စီမံခန့်ခွဲရေးဥပဒေ၌ နေ ပြည်တော်အပါအဝင် တိုင်းနှင့်ပြည်နယ် သက် သေခံပစ္စည်းများစီမံထိန်းသိမ်းရေးနှင့်စီမံခန့်ခွဲရေးကော်မတီများကိုလည်းဖွဲ့စည်းခဲ့သည်။
ထို့ပြင် သက်သေခံပစ္စည်းများစီမံထိန်းသိမ်းရေးနှင့်စီမံခန့်ခွဲရေးဗဟိုကော်မတီမှ ကိုယ်ပိုင်အုပ် ချုပ်ခွင့်ရတိုင်း၊ ကိုယ်ပိုင်အုပ်ချုပ်ခွင့်ရဒေသ (သို့)ခရိုင်သက်သေခံပစ္စည်းများစီမံထိန်းသိမ်းရေးနှင့်စီမံခန့်ခွဲရေးကော်မတီတို့ကိုဖွဲ့စည်းရန်လည်းပြဋ္ဌာန်းထားပြီး ယင်း ဥပဒေအား နစက ဥက္ကဋ္ဌ၊ နိုင်ငံတော်ဝန်ကြီးချုပ် ဗိုလ်ချုပ်မှူးကြီးမင်းအောင်လှိုင်မှ လက်မှတ်ရေးထိုးထုတ်ပြန်ခဲ့ခြင်းဖြစ်သည်။