AFC Challenge League (၃)သင်းအုပ်စု ပတ်လည် ပြိုင်ပွဲမှာ ယမန်နေ့ နိုဝင်ဘာ (၂) ရက်တွင် ပြီးဆုံးခဲ့ပြီဖြစ်ကာ ရှမ်းယူနိုက်တက်အသင်းက အမှတ်ပေးဇယားရပ်တည်မှုအရ အုပ်စုဗိုလ်စွဲခဲ့ပြီဖြစ်သည်။
ယမန်နေ့ နိုဝင်ဘာ (၂) ရက် ညနေပိုင်းကရှမ်းယူနိုက်တက်နှင့် တိုင်နန်စီးတီးအသင်းတို့ နောက်ဆုံး ဗိုလ်လုပွဲစဉ်ကို ယှဉ်ပြိုင်ကစားကြရာ ပထမပိုင်းပွဲချိန်တွင် တစ်ဖက် (၁) ဂိုးစီဖြင့် သရေရလဒ်ထွက်ပေါ်ခဲ့သည်။
ထို့နောက် ဒုတိယပိုင်းပွဲချိန်အတွင်းတွင်လည်း တစ်ဘက် (၁) ဂိုးစီ ထပ်မံသွင်းယူခဲ့ကြသဖြင့် ပွဲစဉ်ပြီးဆုံးချိန်တွင် တစ်ဘက် (၂) ဂိုးစီဖြင့် သရေရလဒ်ထွက်ပေါ်ခဲ့ကြသည်။
မြန်မာနိုင်ငံက အိမ်ရှင်အဖြစ်လက်ခံကျင်းပခဲ့သည့် အဆိုပါ သုံးသင်းအုပ်စုပတ်လည် AFC Challenge League ပြိုင်ပွဲတစ်လျှောက်တွင် ရှမ်းယူနိုက်တက်အသင်းက YOUNG ELEPHANTS အသင်း(လာအို)ကို (၂)ဂိုးပြတ်ဖြင့် အနိုင်ရရှိခဲ့ပြီး တိုင်နန်စီးတီးအသင်း(တိုင်ပေ)ကို (၂) ဂိုးစီဖြင့် သရေရလဒ်ထွက်ပေါ်ကာ ရမှတ်(၄)မှတ်စီရရှိခဲ့ကြသည်။
အာရှဘောလုံးအဖွဲ့ချုပ် ကလပ်အသင်းများပြိုင်ပွဲ( AFC Challenge League 2024 )ကို မြန်မာ၊ လာအို၊ တိုင်ပေ သုံးသင်းအုပ်စု ပတ်လည် ယှဉ်ပြိုင်ကစားခဲ့ကြခြင်းဖြစ်သည်။
ပုံစာ- ရှမ်းယူနိုက်တက်အသင်းနှင့်တိုင်နန်စီးတီးအသင်း အသင်းတို့၏ ဗိုလ်လုပွဲနေ့ ပုံရိပ်အချို့
