ငါးကြိမ်မြောက် သမ္မတအဖြစ် သမ္မတဗလာဒီမာပူတင် ကျမ်းကျိန်

မော်စကို၊မေ ၇

ရုရှားသမ္မတဗလာဒီမာပူတင်သည် ငါးကြိမ်မြောက်နိုင်ငံ့သမ္မတအဖြစ်ကျမ်းသစ္စာကျိန်ဆိုခဲ့ပြီး အဆိုပါကျမ်းကျိန်ပွဲကို အနောက်နိုင်ငံများက ဆန့်ကျင်ကန့်ကွက်ခဲ့သည်။

၁၉၉၉ ခုနှစ်ကတည်းက သမ္မတနှင့်ဝန်ကြီးချုပ်အဖြစ် အာဏာရယူခဲ့သည့် သမ္မတပူတင်သည် ၂၀၂၂ ခုနှစ်ကယူကရိန်းသို့ သောင်းနှင့်ချီသောတပ်ဖွဲ့ဝင်များ စေလွှတ်ပြီးနောက် နှစ်နှစ်ကျော်အကြာ၌ ၎င်း၏သမ္မတသက်တမ်းအသစ်ကို စတင်ခဲ့ခြင်းဖြစ်သည်။

ကျမ်းကျိန်ပြီးနောက် ရုရှား၏နိုင်ငံရေးအထက်တန်းလွှာကို သမ္မတပူတင်က အနောက်အုပ်စုနှင့် တွေ့ဆုံဆွေးနွေးမှုကိုပိတ်ပင်မည်မဟုတ်သော်လည်း ၎င်း၏နိုင်ငံနှင့် မည်သို့ဆက်ဆံရမည်ကို ၄င်းတို့ကိုယ်တိုင်က သာ ရွေးချယ်မှုပြုလုပ်ရမည်ဟုလည်းပြောကြားခဲ့သည်။

အနောက်နိုင်ငံများနှင့် မဟာဗျူဟာမြောက် နျူကလီးယားဆိုင်ရာ ဆွေးနွေးမှုများလည်းဖြစ်လာနိုင်သော်လည်း တန်းတူညီမျှသော စည်းကမ်းချက်များဖြင့်သာ ဆွေးနွေးမည်ဖြစ်ကြောင်း၎င်းကပြောကြားခဲ့သည်။

သမ္မတပူတင်သည် မတ်လကကျင်းပခဲ့သည့် ရုရှားနိုင်ငံအထွေထွေရွေးကောက်ပွဲ၌ အပြတ်အသတ်အနိုင်ရရှိခဲ့ခြင်းဖြစ်သော်လည်း အမေရိက ကမူ အဆိုပါရွေးကောက်ပွဲသည် ပွင့်လင်းမျှတမှုမရှိဟုလည်းဆိုခဲ့သည်။

ဗြိတိန်၊ကနေဒါနှင့် ဥရောပသမဂ္ဂနိုင်ငံအများစုကလည်း သမ္မတပူတင်၏ကျမ်းသစ္စာကျိန်ဆိုမှုကို သပိတ်မှောက်ရန်ဆုံးဖြတ်ခဲ့သော်လည်း ပြင်သစ်ကမူ ၎င်း၏သံအမတ်ကို ကျမ်းကျိန်ပွဲသို့စေလွှတ်မည်ဟုပြောကြားခဲ့ကြောင်းသိရသည်။

Source : ရိုက်တာ