လာဟိုး၊ဧပြီ ၁၅
ပါကစ္စတန်နိုင်ငံတစ်ဝန်း၌ မိုးသည်းထန်စွာရွာသွန်းသဖြင့် လူပေါင်း ၄၁ ဦးေ-သဆုံးရာ၌ ၂၈ ဦးသည် မိုးကြိုးပစ်ခံရ၍ ေ-သဆုံးခဲ့ခြင်းဖြစ်သည်ဟုသိရသည်။
ပါကစ္စတန် နိုင်ငံတော် သဘာဝဘေးအန္တရာယ်စီမံခန့်ခွဲရေးအာဏာပိုင်အဖွဲ့ (အင်န်ဒီအမ် အေ) ကလည်း လာမည့်ရက်များအတွင်း မိုးပိုလာမည်ဟု ခန့်မှန်းထားကာ မြေပြိုခြင်းနှင့် ရုတ်တရက်ရေကြီးခြင်းများကိုပါ သတိပေးထားသည်။
ပါကစ္စတန်၏ အကြီးဆုံးနှင့်လူဦးရေအများဆုံးပြည်နယ်ဖြစ်သော ပန်ဂျပ်သည် သောကြာနှင့် တနင်္ဂနွေနေ့ များတွင် မိုးကြိုးပစ်၍ လူ ၂၁ ဦး ေ-သဆုံးကာ အများဆုံးေ-သဆုံးသည့်နေရာအဖြစ်လည်းမှတ်တမ်းဝင်ခဲ့သည်။
“အင်န်ဒီအမ် အေ ကို သက်ဆိုင်ရာပြည်နယ်တွေနဲ့ ညှိနှိုင်းဆောင်ရွက်ပေးဖို့တောင်းဆိုထားပြီး ပျက်စီးသွားတဲ့ ဒေသတွေကို ကယ်ဆယ်ရေးပစ္စည်းတွေထောက်ပံ့ပေးဖို့လည်းညွှန်ကြားထားပါတယ်” ဟု ဝန်ကြီးချုပ် ရှေဘာရှရစ်ဖ် က တနင်္လာနေ့တွင်ပြောကြားခဲ့သည်။
ယခုရာသီဥတုအခြေအနေများကြောင့် နယ်ဘက်ရှိစာသင်ကျောင်းများပိတ်ထားရသကဲ့သို့ လမ်းပန်းဆက်သွယ်ရေးအခက်အခဲများလည်းရှိလာခဲ့သည်။လက်ရှိေ-သဆုံးသူများအနက် လေးဦးသည် ရာသီဥတုကြောင့်လမ်းပန်းဆက်သွယ်ရေးအဆင်မပြေနေချိန် ယာဉ်မတော်တဆမှုကြောင့်ေ-သဆုံးခြင်းဖြစ်ကြောင်းလည်းသိရသည်။
Source : အေအက်ဖ်ပီ/အာရ်အယ်လ်