ထိုင်းနိုင်ငံ၊ဟတ်ယိုင်၊ ဆုန်ခလာတွင်အသက် ၃၂ နှစ်အရွယ် မြန်မာအမျိုးသားတစ်ဦးက၎င်း၏ ပတ်နာ ဘယ်လ်ဂျမ် သားကို သဝန်တိုစိတ်ကြောင့်တူရိုက်မှုဖြစ်ပွားပြီးနောက် အဖမ်းခံခဲ့ရသည်။
၎င်းတို့ နှစ်ဦးအတူနေထိုင်ရာတိုက်ခန်းတွင် ဖြစ်ပွားခဲ့ခြင်းဖြစ်ပြီး အသက် ၅၆ နှစ်အရွယ် ဘယ်လ်ဂျမ် အမျိုးသားမှာ ဦးခေါင်းဒဏ်ရာ ပြင်းထန်စွာရရှိကာ တိုက်ခန်းတခုလုံး သွေးများဖြင့်မြင်မကောင်းကြောင်း သိရသည်။
အခင်းဖြစ်ပွားရာနေရာသို့ နယ်မြေခံရဲတပ်ဖွဲ့ဝင်များက သွားရောက်ရှာဖွေရာ သဘယ်လ်ဂျမ်သား မှာ စိုးရိမ်ရသည့်အခြေအနေတွင် ရှိနေခဲ့ပြီး တူ ကိုင်ဆောင်ထားသည့် ကျော်ဇင်ထိုက်ကို ဖမ်းဆီးခဲ့သည်။
ကျော်ဇင်ထိုက်အားဖမ်းဆီးပြီး ဟတ်ယိုင်ရဲစခန်းသို့ ခေါ်ဆောင်လာပြီးနောက် စစ်ဆေးရာတွင် ၎င်း၏အဖော်ဖြစ်သူနှင့်စကားအချေတင်များပြီးနောက် တူဖြင့် ထုမိခဲ့ကြောင်း ဝန်ခံခဲ့သည်။
ကျော်ဇင်ထိုက်သည် လွန်ခဲ့သည့် သုံးရက်ခန့်က မူးယစ်ဆေးဝါးသုံးစွဲခဲ့ကြောင်းလည်း ဝန်ခံခဲ့သည်။
ထို့ကြောင့် ရဲစခန်းက ၎င်းအား လူသတ်မှု ကျူးလွန်ရန် ကြိုးပမ်းမှု၊ မူးယစ်ဆေးဝါး လက်ဝယ် ေတွ့ရှိမှုတို့ဖြင့် ကနဦး စွဲချက်တင်ခဲ့သည်။
၎င်း၏ ဘယ်လ်ဂျီယံ ပါတနာကို အခြားသူနှင့်တွေ့မည်ကို သဝန်တိုမှု၏ ရလဒ်ဖြစ်ကြောင်းကျော်ဇင်ထိုက်က မီဒီယာများကို ရှင်းပြခဲ့သည်။ ၎င်း၏ လုပ်ရပ်အတွက် နောင်တရကြောင်း နှင့် ၎င်း၏ ချစ်သူအပေါ် ချစ်နေဆဲဖြစ်ပြီး တောင်းပန်လိုကြောင်း ပြောကြားခဲ့သည်။
၎င်းတို့နှစ်ဦးသည် ထိုင်းအရှေ့ဘက်ကမ်းရိုးတန်းရှိ ခိုစမွေတွင် စတင်တွေ့ဆုံခဲ့ကြပြီး နောက်ပိုင်းတွင် ဟတ်ယိုင်သို့ ပြောင်းရွှေ့နေထိုင်ခဲ့ကြသည်။ ၎င်းတို့စုံတွဲသည် လက်ရှိနေထိုင်ရာမြို့၌ ထိုင်းရိုးရာနှစ်သစ်ကူးပွဲတော်ကိုဆင်နွဲပြီးပါက ဖူးခက်သို့သွားရန်စီစဥ်ထားခြင်းဖြစ်သည်ဟုသိရသည်။
Ref:thethaiger