ဗဟိုဘဏ်မှ သတ်မှတ်ထားသည့် စည်းမျဉ်းစည်းကမ်းများအား မလိုက်နာဟုဆိုကာ Money Changer နှစ်ခုကို လိုင်စင်ရုတ်သိမ်းခဲ့ကြောင်း ဗဟိုဘဏ်မှ ထုတ်ပြန်ထားသည်။
Update Forever Co ,ltd နှင့် Ngee Boom ကို မတ်လ ၁၈ ရက်နေ့မှစတင်ကာ လိုင်စင်ရုတ်သိမ်းလိုက်ခြင်းဖြစ်ကြောင်း မြန်မာနိုင်ငံတော် ဗဟိုဘဏ်က အသိပေးထားခြင်းဖြစ်သ ည်။
ထို့အပြင် နိုင်ငံခြားသုံးငွေစီမံခန့်ခွဲမှု ဥပဒေပုဒ်မ ၂၂ ကိုဖောက်ဖျက်သည့်အတွက် Ngee Myinn Phyu Co.,ltd ၏ နိုင်ငံခြားငွေများ ဝယ်ယူရောင်းချလဲလှယ်ပေးခွင့်လိုင်စင် အား နိုင်ငံခြားသုံးငွေ စီမံခန့်ခွဲမှု ဥပဒေအပုဒ်မ ၃၅ (ခ) အရ ၂၀ ၂၄ ခုနှစ် မတ်လ (၁၂) ရက်မှစတင်ကာ ခြောက်လဆိုင်းငံ့ခဲ့ကြောင်း ဗဟိုဘဏ်က ထုတ်ပြန်အသိပေးထားသည်။
ထို့အပြင် နိုင်ငံခြားသုံးငွေစီမံခန့်ခွဲမှုဥပဒေပါ လိုက်နာခြင်းမရှိသည့် Thura Nay Tun (Fame Money Changer)၊ Lead Star Money Changer၊ Steber Group Money Changer နှင့် Asia Shwe Thee Money Changer လေးခုအား ဥပဒေပါအချက်များ လိုက်နာမှုရှိသည်ကို စိစစ်တွေ့ရှိခဲ့သည့်အတွ က် နိုင်ငံခြားသုံးငွေ စီမံခန့်ခွဲမှု ဥပဒေပုဒ်မ ၃၅ ပါ ပြဋ္ဌာန်းချက်များနှင့်အညီ လုပ်ငန်းလိုင်စင် သုံးလရပ်ဆိုင်းထားကြောင်းလည်း သိရသည်။
ဗဟိုဘဏ်အနေဖြင့် နိုင်ငံခြားငွေလဲနှုန်းတည်ငြိမ်စေရေးအတွက် နိုင်ငံခြားငွေလဲကောင်တာများကို ရှောင်တခင်ကွင်းဆင်းစစ်ဆေးမှုများပြုလုပ်လျက်ရှိသည့်အပြင် ပို့ကုန်၊သွင်းကုန်လုပ်ငန်းရှင်များနှင့် ဘဏ်များပါဝင်သော Online Trading Market ကို ဖော်ဆောင်ပေးနေပြီး ပြည်ပသို့သွားရောက်မည့်သူများအတွက် လိုအပ်သော အသေးသုံး နိုင်ငံ ခြားငွေကြေးများကို နိုင်ငံခြားငွေဝယ်ယူရောင်းချလဲလှယ်ပေးသော ငွေလဲကောင်တာများတွင် ရောင်းချလျက်ရှိကြောင်းလည်း အသိပေးထားသည်။
