ရန်ကုန်၊သြဂုတ်-၁၆
ဂျပန်နိုင်ငံ နာဂိုယာမြို့တွင် ကျင်းပမည့် ၂၀ ကြိမ်မြောက် အာရှအားကစားပြိုင်ပွဲ (Aichi-Nagoya 2026) အမျိုးသမီးဘော လုံးပြိုင်ပွဲ ဝင်ရောက်ယှဉ်ပြိုင်မည့် မြန်မာ့လက်ရွေးစင် အမျိုးသမီးအသင်း၏ ပဏာမကစားသမား ၃၃ ဦးစာရင်းကို နည်းပြချုပ် Colin Bell က ထုတ်ပြန်လိုက်သည်။
မြန်မာ့လက်ရွေးစင် အမျိုးသမီးအသင်းသည် အာရှအားကစားပြိုင်ပွဲ အမျိုးသမီးဘောလုံးပြိုင်ပွဲ အုပ်စု (F) တွင် တောင်ကိုရီးယား၊ မြောက်ကိုရီးယားနှင့် ဘင်္ဂလားဒေ့ရှ်အသင်းတို့နှင့်အတူ ကျရောက်နေပြီး အုပ်စုပွဲစဉ်များကို ဂျပန်နိုင်ငံ အိုဆာကာမြို့ရှိ Nagai Stadium တွင် ယှဉ်ပြိုင်ကစားရမည်ဖြစ်သည်။
ပြိုင်ပွဲတွင် အသင်း ၁၂ သင်းကို အုပ်စု ၃ စုခွဲ၍ ကျင်းပမည်ဖြစ်ပြီး အုပ်စုတစ်စုစီမှ ပထမနှင့် ဒုတိယရအသင်းများအပြင် အ ကောင်းဆုံး တတိယနေရာရအသင်း ၂ သင်း စုစုပေါင်း ၈ သင်းသည် ကွာတားဖိုင်နယ်အဆင့်သို့ တက်ရောက်ခွင့်ရရှိမည်ဖြစ်သည်။
ပဏာမလူစာရင်းမှ ကစားသမားများကို ဩဂုတ် ၁၇ ရက်မှစတင်ကာ ရန်ကုန်မြို့ရှိ အင်းယားလိတ်ဟိုတယ်၌ စခန်းဝင်လေ့ကျင့်သွားမည်ဖြစ်သည်။
သို့သော် အာရှအမျိုးသမီးချန်ပီယံလိဂ်ပြိုင်ပွဲ ဝင်ရောက်ယှဉ်ပြိုင်မည့် ဧရာဝတီ FC အသင်းမှ ကစားသမားများနှင့် အဆို ပါအသင်းသို့ အငှားသွားရောက်ကစားနေသည့် ဝင်းသိင်္ဂီထွန်း (ရတနာပုံ)၊ ဇင်မိုးပြည့် (ရန်ကုန်ယူနိုက်တက်)၊ လင်းမြင့်မိုရ် (ISPE)၊ ဇူးလတ်နဒီ (ISPE) နှင့် မေသက်မွန်မြင့် (သစ္စာအားမာန်) တို့မှာ အစောပိုင်းလေ့ကျင့်ရေးအစီအစဉ်တွင် ပါဝင်နိုင်မည်မဟုတ်ဘဲ ဩဂုတ် ၂၄ ရက်မှသာ အသင်းနှင့်အတူ စုံလင်စွာ လေ့ကျင့်နိုင်မည်ဖြစ်ကြောင်း အသိပေးချက်အရ သိရသည်။
ထို့အပြင် ဧရာဝတီ FC နောက်ခံလူ နန်းဖြူဖွေးနှင့် သစ္စာအားမာန်အသင်းမှ ကွင်းလယ်လူ ခင်မိုမိုထွန်းတို့မှာဒဏ်ရာပြဿ နာများကြောင့် အာရှအားကစားပြိုင်ပွဲဝင် မြန်မာ့လက်ရွေးစင်အမျိုးသမီအသင်း၏ ယခု ပဏာမလူစာရင်းမှ ချန်လှပ်ခံထားရသည်။
မြန်မာ့လက်ရွေးစင် အမျိုးသမီးအသင်းသည် အာရှအားကစားပြိုင်ပွဲအတွက် စခန်းဝင်လေ့ကျင့်မှုများ ပြုလုပ်ကာ အုပ် စုအတွင်း အာရှထိပ်တန်းအသင်းများဖြစ်သည့် တောင်ကိုရီးယားနှင့် မြောက်ကိုရီးယားတို့ကို ရင်ဆိုင်ရန် ပြင်ဆင်သွားမည်ဖြစ်သည်ဟု အသိပေးထားသည်။
