မြန်မာနိုင်ငံအီလက်ထရွန်းနစ်အားကစားအဖွဲ့ချုပ်
( MESF) မှကြီးမှုးကျင်းပတဲ့ Myanmar Esport Summit 2024 ပွဲအခမ်းအနားကို မတ်လ၇ရက်နေ့ ညနေ၄ နာရီက Pan Pacific Hotel မှာကျင်းပပြုလုပ်ခဲ့တာဖြစ်ပါတယ်။
အဆိုပါပွဲမှာ ၂၀၂၄ ခုနှစ်အတွင်း Esports Community အရှိန်အဟုန်ဖြင့် တိုးတက်ရေးနဲ့ရေရှည်တည်တံ့ခိုင်မြဲရေးအတွက် စနစ်တကျလုပ်ဆောင်သွားမယ့် National Development Plan အားရှင်းလင်းပြောကြားခဲ့ပြီး မြန်မာ့ဂုဏ်ဆောင်အားကစားသမားများEsports ဝါသနာရှင်များနဲ့မြန်မာနိုင်ငံရဲ့ထိပ်တန်းကုမ္ပဏီကြီးများ ၊ရှယ်ယာရှင်များ ၊လုပ်ငန်းခေါင်းဆောင်များတက်ရောက်ခဲ့ကြပါတယ်။
မြန်မာ့ Esports Community ဖွံ့ဖြိုးတိုးတက်ရေးအတွက် ၂၀၁၇ ခုနှစ်မှာ စတင်တည်ထောင်ခဲ့ကာ
မြန်မာအီလက်ထရွန်နစ်အားကစားအဖွဲ့ချုပ်မှ
National Development Plan အနေနဲ့ မြန်မာနိုင်ငံရဲ့ Esports Community အရှိန်အဟုန်ဖြင့် တိုးတက်ရေးနဲ့ရေရှည်တည်တံ့ခိုင်မြဲရေးစတဲ့ရည်ရွယ်ချက်နဲ့ စီစဥ်ရေးဆွဲခဲ့တာဖြစ်ပါတယ်။
မြန်မာ Esport ဟာ မြန်မာကိုယ်စားပြုအသင်းအနေနဲ့ ၂၀၂၃ ခုနှစ်မှာကျင်းပပြုလုပ်တဲ့ ၃၂ ကြိမ်မြောက် ကမ္ဘောဒီးယား Sea Games မှာ Mobile Legend Game Title နဲ့ ကြေးတံဆိပ်ဆုဆွတ်ခူးရရှိခဲ့ကာမြန်မာနိုင်ငံ ရှိ Esports Community ဟာ ယနေ့အချိန်မှာ ဂိမ်းကစားသူအရေအတွက် စုစုပေါင်း ၁၄ သန်းနဲ့ နေ့စဥ် ပျမ်းမျှ ကစားသမားအရေအတွက်ဟာ ၆.၅သန်းခန့်ရှိပြီး ဆက်လက်တိုးမြင့်နိုင်ချေ များစွာရှိကြောင်းသိရပါတယ်။
