ဘားအံမြို့တွင် ငွေကျပ်သန်း နှစ်​ထောင်ကျော် ရင်းနှီးမြှုပ်နှံထားသည့် မိဇံဝက်နှင့် ဆိတ် မွေးမြူရေးဇုန် ဖွင့်လှစ်

0
73

ကရင်ပြည်နယ်၊ ဘားအံမြို့တွင် ငွေကျပ် ၂၃၅၉ ဒဿမ ၁၅၅ သန်းကျော် ရင်းနှီးမြှုပ်နှံထားသည့် မိဇံ ဝက်နှင့် ဆိတ်မွေးမြူရေးဇုန်ကို ဖေဖော်ဝါရီ (၁၀) ရက် နံနက်ပိုင်းက စက်မှုဇုန်အနောက်ဘက် မိဇံကျေးရွာ၊ ပတုပ် စားကျက်ကွင်းနှင့် ပတုပ်တောင်ကွင်းရှိ အဆိုပါ မွေးမြူရေးဇုန်တည်နေရာ၌ ကျင်းပခဲ့သည်။

ကရင်ပြည်နယ်အတွင်း တိုးတက်လာသည့် လူဦးရေနှင့်အညီ စားသုံးမှုပိုမိုမြင့်တက်လာသည့်အတွက် အသားထုတ်လုပ်မှုကဏ္ဍ တိုးတက်လာစေရန်၊ ရေတိုအချိန်အတွင်း အသားထုတ်လုပ်မှု ပမာဏကြီးစွာပေးသော ဝက်နှင့် ဆိတ်များ ပိုမိုမွေးမြူလာစေရန်၊ ပိုလျှံလာသည့်မွေးမြူရေး ထုတ်ကုန်များကို ပြည်ပဈေးကွက်များသို့ တင်ပိုနိုင်ရန်ရည်ရွယ်ပြီး ယခုမွေးမြူရေးဇုန်ကို တည်ထောင်ရခြင်းဖြစ်ကြောင်း  ကရင် ပြည်နယ် ဝန်ကြီးချုပ် ဦးစောမြင့်ဦးက ပြောသည်။

အဆိုပါ မိဇံမွေးမြူရေးဇုန်မှာ ၄၉ ဒဿမ ၀၇ ဧက ကျယ် ဝ န်းကာ ဝက်မွေးမြူရေးဇုန်နှင့် ၄၉ ဒဿမ ၃၁ ဧက ကျယ်ဝန်းသော ဆိတ်မွေးမြူရေးဇုန်တို့ ပါဝင်ပြီး စွမ်းအားပြည့်မွေး မြူမည်ဆိုလျှင် ဝက်ကောင်ရေ (၂၇၅၀) ကျော်နှင့် ဆိတ်ကောင်ရေ (၁၇၀၀) ကျော် မွေးမြူနိုင်မည်ဖြစ်ကြောင်း သိရသည်။

ပြည်နယ်ဝန်ကြီးချုပ်က မွေးမြူရေး လုပ်ငန်းရှင်များအတွ က် ငွေကျပ်သိန်း (၄၅၀)တန်ဖိုးရှိ မျိုးကောင်း/ မျိုးသန့် ဝက်နှင့် ဆိတ် (၂၀၀) ကောင်ကို မတည်ထောက်ပံ့ ပေးအပ်ကြောင်း သိရသည်။

အဆိုပါ မိဇံမွေးမြူရေးဇုန်ကို ၂၀၂၃ ခုနှစ် အောက်တိုဘာ လတွင် စတင်အကောင်အထည်ဖော်ခဲ့ရာ ဆိတ်မွေးမြူရန် အကွက်ပေါင်း (၄၁)ကွက်၊ ဝက်မွေးမြူရန် အကွက်ပေါင်း (၇၂)ကွက် ဖော်ထုတ်ထားရှိကြောင်း သိရသည်။

လက်ရှိ ဝက်မွေးမြူရေးလုပ်ငန်းရှင် (၁၇) ဦးမှ မြေကွက် (၄၈)ကွက်၌ မြေဩဇာစက်ရုံ (၁)ရုံ၊ အစာဆိုင်(၁)ဆိုင်၊ ဝက်ကောင်ရေ (၉၂၈) ကောင်၊ ဆိတ်မွေးမြူရေးလုပ်ငန်းရှင် (၁၈)ဦးမှ မြေကွက်(၃၅)ကွက်တွင် အစာဆိုင်(၁)ဆိုင်၊ ဆိတ်ကောင်ရေ (၅၇၇)ကောင် မွေးမြူလျက်ရှိကြောင်းလည်း သိရသည်။


LEAVE A REPLY

Please enter your comment!
Please enter your name here