၂၀၂၄ ခုနှစ်အတွင်း ပြည်ပမှ မော်တော်ယာဉ် တင်သွင်းခြင်းအတွက် ထုတ်လုပ်သည့် ခုနှစ်သတ်မှတ်ချက်များကို ဒီဇင်ဘာ (၂၁) ရက်စွဲဖြင့် စီးပွားရေးနှင့် ကူးသန်းရောင်းဝယ်ရေးဝန်ကြီးဌာနမှ အသိပေးထုတ်ပြန်ထားသည်။
အဆိုပါ ထုတ်ပြန်ချက်အရ ၂၀၂၄ ခုနှစ်အတွင်း ပြည်ပမှ မော်တော်ယာဉ် တင်သွင်းရာတွင် လူစီးမော်တော်ယာဉ်များအတွက် ၂၀၂၃ ခုနှစ်မှ ၂၀၂၄ ခုနှစ်အထိ၊ လုပ်ငန်းသုံးယာဉ်များ (ကုန်တင်ယာဉ်/ ခရီးသည်တင်ယာဉ်) အတွက် ၂၀၂၀ ခုနှစ်မှ ၂၀၂၄ ခုနှစ်အထိ၊ မီးသတ်ယာဉ်/လူနာတင်ယာဉ်များအတွက် ၂၀၁၅ ခုနှစ်မှ ၂၀၂၄ ခုနှစ်အထိ၊ ယန္တရားများအတွက် ၂၀၁၅ ခုနှစ်မှ ၂၀၂၄ ခုနှစ်အထိ ထုတ်လုပ်ထားသ ည့် လက်ဝဲစတီယာရင် မော်တော်ယာဉ်များကိုသာ တင်သွင်းရမည်ဖြစ်ကြောင်း သိရသည်။
ထို့ပြင် အများပြည်သူသုံး လမ်းများပေါ်တွင် မောင်းနှင်အသုံးပြုခြင်းမရှိသည့် ပူးတွဲပါ လုပ်ငန်းသုံးယန္တားများအား လွန်ခဲ့သော (၁၅) နှစ်အတွင်း ထုတ်လုပ်သည့်ယာဉ် (၂၀၁၀ ခုနှစ်နှင့်အထက် ထုတ်လုပ်သောယာဉ်) များကို တင်သွင်းခွင့်ပြုမည်ဖြစ်ကြောင်းလည်း သိရသည်။
စီးပွားကူးသန်းဝန်ကြီးဌာနမှ ယခုထုတ်ပြန်ထားသည့် အမိန့်ကြေညာချက်သည် လုပ်ထုံးလုပ်နည်းအရ ပြက္ခဒိန်နှစ်အလိုက် နှစ်စဉ်တင်သွင်းခွင့်ပြုသည့် မော်တော်ယာဉ်ထုတ်လု ပ်သည့် ခုနှစ်သတ်မှတ်ချက်အား ပုံမှန်ထုတ်ပြန်ခြင်းသာဖြ စ်ကြောင်း သိရသည်။
ထို့အပြင် မော်တော်ယာဉ်တင်သွင်းမှုနှင့် ပတ်သက်၍ လက်ရှိချမှတ်ဆောင်ရွက်နေသည့် မူဝါဒများကို ပြောင်းလဲခြင်းမရှိဘဲ ဆက်လက်ကျင့်သုံးလျက်ရှိကြောင်းလည်း အသိပေးထားသည်။
နိုင်ငံခြားငွေ သုံးစွဲမှုလျော့နည်းစေရန်အတွက် ပြီးခဲ့သည့် ၂၀၂၁ ခုနှစ် အောက်တိုဘာလမှစတင်၍ ပြည်ပမှမော်တော်ယာဉ်တင်သွင်းခွင့်များကို လက်ရှိအချိန်ထိ ပိတ်ထားဆဲဖြစ်ပြီး ပြည်ပမှ ကားအစိတ်အပိုင်းများတင်သွင်းပြီး ပြန်လည်တပ်ဆင်ရောင်းချသည့် SKD စနစ်ဖြင့် ကားတင်သွင်းခွင့်ကိုသာ ခွင့်ပြုထားဆဲဖြစ်ကြောင်း သိရသည်။
